Azərbaycanda ağır qəza - avtobus "Kamaz"la toqquşdu: 15 yaralı - YENİLƏNİB

Sumqayıtdan Hacı Zeynalabdin qəsəbəsi istiqamətində hərəkətdə olan 3 saylı sərnişin avtobusunun "Kamaz" markalı yük maşını ilə toqquşması nəticəsində xəsarət alanların bəzilərinin xəstəxanalarda müalicəsi davam etdirilir.

Sumqayıt şəhər Səhiyyə şöbəsinin müdiri Nəriman Baxşəliyev Publika.az-a açıqlamasında bildirib ki, hadisə nəticəsində xəsarət alan 13 nəfər Təcili yardıma müraciət edib.

"Onlardan on nəfərinə ambulator yardım göstərilib, vəziyyətləri normal olduğundan xəstəxanaya yerləşdirilmələrinə ehtiyac olmayıb. Xəsarət alanlardan 2-si Təcili Tibbi Yardım Xəstəxanasına, 1 uşaq isə Uşaq xəstəxanasına yerləşdirilib. Stasionara yerləşdirilənlərin hamısının vəziyyəti qənaətbəxşdir, yaxın 1-2 günə evə buraxılacaqlar. Ümumilikdə xəsarətlərin hamısı travmadır".

***
Sumqayıt şəhərində içi sərnişinlə dolu avtobus qəza törədib.

Sonxeber.az-ın "Report"a istinadla verdiyi məlumata görə, Sumqayıtdan Hacı Zeynalabdin qəsəbəsi istiqamətində hərəkətdə olan 3 saylı sərnişin avtobusu "Kamaz" markalı yük maşını toqquşub.

Nəticədə avtobusda olan şərnişinlərdən 15 nəfəri xəsarət alıb. Yaralananlar dərhal Sumqayıt şəhər Təcili Tibbi yardım xəstəxanasına çatdırılıb.

Sumqayıt şəhərində sərnişin avtobusu ilə yük maşınının toqquşması nəticəsində yaralananların adları məlum olub.

Qəzada xəsarət alan avtobus sərnişinləri bunlardır:

1986-cı il təvəllüdlü Vəliyeva Binyət Ömər qızı

1983 cü il təvəllüdlü Vəliyeva Aysel Ömər qızı

2011-ci təvəllüdlü Məmmədzadə Özgür Sahib oğlu

1988-ci il təvəllüdlü Məmmədzadə Rəvanə Sahib qızı

2009-cu il təvəllüdlü Rzayev Ömər Aqşin oğlu

2006-cı il təvəllüdlü Qurbanov Nihat Qurban oğlu

1953-cü il təvəllüdlü Məmmədova Nərgiz Mahmud qızı

1971-ci il təvəllüdlü Feyzullayev Feyzulla Əzizulla oğlu

1982-ci il təvəllüdlü Nuraliyeva Aynurə Rasim qızı

1995-ci il təvəllüdlü Mahmudov Bəhram Əhmədağa oğlu

1963-cü il təvəllüdlü Feyzalıyeva Nailə Qardaşxan qızı

1982-ci il təvəllüdlü Qurbanova Sevinc Xıdır qızı

2008-ci təvəllüdlü Qurbanova Aysun Qurban qızı.

Xəsarət alanlardan biri - 2011-ci təvəllüdlü Məmmədzadə Özgür Sahib oğlunun vəziyyəti ağırdır.

İki nəfər qeydiyyata düşməyib.

Telegramda izləyin

instagramda izləyin