Yol qəzası: iki bacı öldü, ata və oğulun vəziyyəti ağırdır

Ağdaş rayonunda iki nəfərin ölümü, 3 nəfərin xəsarət alması ilə nəticələnən qəza baş verib.
Hadisə bu gün axşam saatlarında Ağdaş sakini, 1989-cu il təvəllüdlü Əliyev Əfqan Elton oğlu idarə etdiyi "Mercedes" markalı minik avtomobili ilə hərəkətdə olarkən sürücü idarəetməni itirərək avtomobili yolun kənarındakı daş hasara çırpıb.
Hadisə zamanı sürücü Əfqan Əliyev, onun atası, 1962-ci il təvəllüdlü Əliyev Elton Cəlal oğlu, onun qaynanası 1948-ci il təvəllüdlü Quliyeva Fatimə Qabil qızı, bacısı 1944-cü il təvəllüdlü Quliyeva Südabə Qabil qızı və ailənin qohumu, 1966-cı il təvəllüdlü Fərzəliyeva Ruhəngiz Tofiq qızı müxtəlif dərəcəli bədən xəsarətləri alıblar.
Südabə Quliyeva hadisə yerində, bacısı Fatma Quliyeva isə xəstəxanaya aparılarkən yolda dünyasını dəyişib.
Digər 3 yaralı isə Ağdaş Mərkəzi rayon Xəstəxanasına yerləşdirilib. Vəziyyəti daha ağır olan Ruhəngiz Fərzəliyeva və Elton Əliyev hazırda reanimasiya şöbəsində koma vəziyyətindədir.
Faktla bağlı Ağdaş rayon Polis Şöbəsi tərəfindən araşdırma aparılır. /APA/
Sonxeber.az Fövqəladə Hallar Nazirliyinə (FHN) istinadən xəbər verir ki, deformasiyaya uğramış nəqliyyat vasitəsində sıxılmış vəziyyətdə qalmış 1944-cü il təvəllüdlü Quliyeva Südabə Qabil qızının meyitini FHN-in xilasetmə qüvvələri avtomobildən çıxarararq, aidiyyəti üzrə təhvil veriblər.

Telegramda izləyin

instagramda izləyin