Gənclər Fondu gənclər qarşısında bir ilin hesabatını verdi

Gənclər Fondu Gənclər günü ilə bağlı tədbir keçirir.

Sonxeber.az xəbər verir ki, bu gün Azərbaycan Respublikasının Prezidenti yanında Gənclər Fondunun 2015-ci il ərzində gördüyü işlərə dair hesabat konfransı və 2 fevral Gənclər gününə həsr edilmiş tədbiri keçirilir.

Tədbirdə Prezident Adminstrasiyasının rəsmiləri, millət vəkilləri, Gənclər Fondunun Müşahidə Şurasının rəsmiləri, gənclər təşkilatlarının nümayəndələri, həmçinin Gənclər Fondundan qrant almış fiziki şəxslər iştirak edirlər.

Tədbirin açılışında çıxış edən Gənclər Fondunun icraçı direktoru Fərhad Hacıyev dövlət rəhbərliyi çərçivəsində gənclərə verilən dəstək və bunun nəticəsi olaraq gənclər sahəsində qazanılan uğurlardan danışıb.

Daha sonra Fondun aparat rəhbəri Faiq Qürbətov statistik məlumatlar haqqında danışıb: "Gənclər Fondu 4 il ərzində 7 qrant müsabiqəsi keçirib. Fond geridə qalan müddətdə 2333 layihəyə dəstək verib. Bunlardan 2/3 hissəsi fərdi gənclər, 1/3 hissəsi isə Gənclər Təşkilatlarının layihəsi olub. Fond bundan sonra da gənclərə dəstək verməyə davam edəcək. Mən gənclərimizə fəaliyyətlərində uğurlar arzulayıram".

Telegramda izləyin

instagramda izləyin