Birinci siniflər məktəbə saat neçədə getməlidir? - EKSPERTDƏN AÇIQLAMA

Xəbər verdiyimiz kimi, bir müddətdir ki, azyaşlı məktəblilərin, xüsusən də birincilərin yeni tədris ili bağlı bəzi məsələləri günün əsas sosial mövzusu olub. Belə ki, məktəbli çantasının ağırlığından tutmuş, məktəbdə dərslərin başlanma saatı daxil olmaqla digər məsələlər həmin mövzuya daxildir. Hələki onların dərs saatının başlanma vaxtı ilə əlaqədar fərqli fikirlər mövcuddur.
Mövzu ilə əlaqədar təhsil eksperti Kamran Əsədov Sonxeber.az-a açıqlama verib. O bildirib ki, məktəbdə dərslər digər siniflərdə saat 8-də başlayırsa, I siniflərin dərsi saat 9-da başlamalıdır :
"Əgər, belə olarsa uşaqlar üçün səmərəlilik daha artıq olar. Azərbaycan Respublikası təhsil qanunvericilik aktlarına görə hazırda orta məktəblərdə I siniflər də daxil olmaqla, bütün siniflər üzrə dərs saatının konkret hansı saatda başlanılması ilə bağlı reqlament yoxdur. Məktəblər bu saatları Təhsil Nazirliyinin təsdiqlədiyi tədris planlarına və dərs yükünə uyğun müəyyən edir. Bunu nəzərə alsaq, məktəblərin I siniflərində dərslərin bir qədər gec başlanılması mümkündür".

Kamran Əsədov hesab edir ki, məktəblər öz şəraitlərini, şagirdlərinin məktəbdən uzaq məsafədə yaşadıqlarını əsas gətirərək bu reqlamenti özləri müəyyən edə bilərlər:

"Uşaqlar səhər saatlarında yuxudan oyanmaq və dərsə gəlməkdə çətinlik çəkir. Düşünürəm ki, əsasən ibtidai siniflərin dərsləri bir qədər gec başlaması effektiv olardı. Təklif edirəm ki, orta məktəblərimizdə yuxarı siniflərlə ibtidai siniflərin dərs vaxının başlaması fərqlənsin. Yuxarı siniflərin daha erkən, yəni saat 8-də, ibtidai siniflərin isə əksinə, 9 və ya 9:30- da dərsə gəlməsi həyata keçirilsin".

Şəlalə Babayeva

Telegramda izləyin

instagramda izləyin