Əhməd bəy Ağaoğlunun yubiley mərasimi baş tutub - FOTOLAR

Ötən gün Müslüm Maqomayev adına Azərbaycan Dövlət Filarmoniyasında görkəmli publisist - tənqidçi, tanınmış hüquqşünas və şərqşünas, alim Əhməd bəy Ağaoğlunun anadan olmasının 150 illiyi münasibəti ilə tədbir keçirilib.

Sonxeber.az xəbər verir ki,tədbirdə nazir Azad Rəhimov, bir çox millət vəkilləri, incəsənət xadimləri iştirak edib. Tədbirin açılışı Əhməd bəy Ağaoğluna həsr edilmiş filmi izləməklə baş tutub.Daha sonra Azərbaycan Milli Elmlər Akademiyasının Prezidenti Akif Əlizadə geniş nitq ilə çıxış edib. Tədbirdə Əhməd bəy Agaoğlunun nəticəsi də tədbirin iştirakçıları arasında yer alıb. Ağaoğlular nəslinin digər nümayəndəsi, sənətşünaslıq üzrə fəlsəfə doktoru, dosent Nigar Axundova da tədbirdə çıxış edib. Çıxışların hər birində Əhməd bəyin həyat yoluna, onun şəxsiyyətinə, yaratdığı ədəbi yola nitqlərlə nəzər salınıb. Tədbir bədii hissə ilə yekunlaşıb.

Qeyd edək ki, Əhməd bəy Ağaoğlunun 150 illik yubileyinin keçirilməsi haqqında Azərbaycan Respublikası Prezidentininn 10 aprel 2019-cu il tarixində Sərəncamı olmuşdur.

Şəlalə Babayeva

Telegramda izləyin

instagramda izləyin