İsraildə beş min il yaşı olan şəhər tapıldı

İsrail arxeoloqları yeni kəşfə imza atıblar. Sonxeber.az dünya KİV-inə istinadən xəbər verir ki, Eyn-İron yaşayış məntəqəsi yaxınlığında qədim şəhərin qalıqları aşkar edilib. İlkin ehtimala görə, şəhərin 5 min il yaşı var. Bu barədə məlumatı İsrailin dövlət qurumları yayıb.
Alimlərin fikrinə əsasən, tapılan şəhər qalıqları erkən tunc dövrünə aiddir. Şəhərin ərazisi 65 hektardır. Arxeoloqların sözlərinə əsasən, bu şəhər erkən tunc dövrünün "Nyu-York"udur. O dövr üçün şəhərdə kifayət qədər çox insan yaşayıb, yəni 6 min nəfər.
Tədqiqatçıların fikrinə əsasən, sözügedən şəhər qala divarları ilə əhatə olunub və iki hissəyə: yaşayış rayonu və istirahət zonasına bölünüb. Dağıntılar arasında qurbangahın da qalıqları aşkar edilib.

Telegramda izləyin

instagramda izləyin