Azərbaycanda 61 nəfəri gün vurub

Azərbaycanda 61 nəfəri gün vurub"Yay mövsümü başlayandan bu günə kimi isə Təcili və Təxirəsalınmaz Tibbi Yardım Stansiyasına ümumilikdə 61 nəfər günvurma ilə bağlı müraciət edib. Onlardan 21 nəfəri xəstəxanaya yerləşdirilib".

Bunu Bakı şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyev bildirib.

Onun sözlərinə görə, gün vuranların 11-I uşaq olub ki, bunlardan da 5-i xəstəxanaya yerləşdirilib.

R.Nağıyev həmçinin qeyd edib ki, bu mövsüm ərzində 32 nəfəri ilan sancıb. Onlardan 29-u xəstəxanaya yerləşdirilib və 3 nəfər isə xəstəxanaya getməkdən imtina edib. İlan sancanlardan 3-ü uşaqdır.

Bu il günvurma hadisələrinin sayının ötən illərlə müqayisədə az olduğunu deyən R. Nağıyev həmçinin bildirib ki, havanın həddən çox isti keçdiyi vaxtlarda insanlar günvurmadan qorunmalıdırlar:

"Saat 11.00-17.00 aralığı günəşin daha çox göründüyü vaxt hesab olunur. Bu baxımdan açıq havada qalmaq təhlükəlidir. İnsanlar açıq havada istirahətlərini 17:00-dan sonra həyata keçirməyə üstünlük verməlidirlər. Əhalinin daha həssas qrupu olan uşaqlar, yaşlılar və xəstə insanlara açıq havada olmaq ümumiyyətlə, məsləhət görülmür. Kənd təsərrüfatı, tikinti, kommunikasiya və digər sahələrdə çalışanlar zərurət olmadığı təqdirdə, işi kölgədə həyata keçirməlidirlər".(virtualaz.org)

Sağlamlıq   Baxılıb: 658   Tarix: 19 avqust 2016  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR