"Böyük İpək yolu Çinin musiqi mədəniyyəti tarixində" seminar keçirilib

"ADU-da "Böyük İpək yolu Çinin musiqi mədəniyyəti tarixində" mövzusunda seminar keçirilib".
Bu gün Azərbaycan Dillər Universitetində (ADU) universitetin nəzdində fəaliyyət göstərən Konfutsi İnstitutunun təşkilatçılığı ilə "Böyük İpək yolu Çinin musiqi mədəniyyəti tarixində" mövzusunda seminar keçirilib.
ADU-nun İctimaiyyətlə əlaqələr Departamentindən Sonxeber.az-a verilən məlumata görə, seminarı açıq elan edən ADU-nun nəzdindəki Konfutsi İnstitutunun Azərbaycan tərəfindən direktoru, professor Rafiq Abbasov musiqi incəsənəti sahəsində Azərbaycan-Çin əlaqələrinin inkişafı, tanınmış Azərbaycan müğənniləri və musiqiçilərinin Çinə qastrol səfərləri haqqında danışaraq, Azərbaycanın Ümummilli lideri Heydər Əliyevin Çinə tarixi səfəri zamanı imzalanmış, Azərbaycan və Çin arasında mədəniyyət sahəsində əməkdaşlığa dair sazişin əhəmiyyətini xüsusi olaraq vurğulayıb.
Tədbirdə çıxış edən Azərbaycan Musiqi Mədəniyyəti Dövlət Muzeyinin direktoru, əməkdar mədəniyyət işçisi Alla Bayramova türk Asiyasının ənənəvi musiqi incəsənətinin İpək yolu üzərindəki ərazidə mədəni əlaqələrin genişlənməsində rolundan danışdı. O, həmçinin təsviri incəsənət və ədəbiyyatda xalq musiqi alətlərinin yeri və rəhbərlik etdiyi muzeydəki Çin ənənəvi musiqi alətləri kolleksiyasının xüsusiyyətləri barədə məlumat verib.

Seminarda çıxış edən edən ADU-nun Regionşünaslıq və Beynəlxalq Münasibətlər fakültəsinin Çinşünaslıq ixtisası üzrə təhsil alan tələbələri Çinin unikal ənənəvi musiqi növləri, janr və üslubları, Böyük İpək yolu sayəsində yaranmış, Qərbi və Mərkəzi Asiya musiqisi və musiqi alətlərinin Çinə daxil olmasına səbəb olmuş beynəlxalq musiqi əlaqələri barədə danışıblar.

Telegramda izləyin

instagramda izləyin