Musabəyovdan rüsvayçı AÇIQLAMA: "Deputatın lazım görülməyən bir məsələni aktuallaşdırması və gündəmə gətirməsi yersizdir" - ŞƏRH

Xəbər verdiyimiz kimi, İTV-nin "Azərbaycanın 4 eksklav kəndi mübadilə edilə bilərmi?" materialında şərh verən deputat Rasim Musabəyovun Başkəndlə bağlı çıxışı ciddi müzakirələrə səbəb olub.

Məsələ ilə bağlı Sonxeber.az-a danışan siyasi şərhçi Asif Nərimanlı deyib ki, deputat Rasim Musabəyovun dediyi fikir doğru deyil. Çünki burada Başkəndin hər hansı mübadiləsindən söhbət getmir. Digər tərəfdən Başkənd Azərbaycanın öz tarixi torpağıdır. SSRİ dövründə digər otlaq və əkin sahələri adı altında Ermənistana bağışlanan digər ərazilərimiz kimi, Başkənddə onlara verilib və sonradan erməni anklavına çevrilib. Burada sadəcə Kərki və Qazaxın 3 kəndi var ki, onlar anklav olan ərazilərdir:

"Onların qaytarılmasına qarşı Ermənistan Başkəndi istəyir. İndiki halda bu məsələ akryal deyil. Çünki bu anklavların qaytarılması üçün dəhlizlərin verilməsi lazımdır. Burada həmin dəhlizlərin təhlükəsizliyinin təmin edilməsi problemi var. Əgər dəhlizlər verilərsə, təhlükəsizliyin təminatı üçün üçüncü tərəflərin prosesdə iştirakı vacibdir. Bunu Azərbaycan və Ermənistan tərəfi istəmir. O cümlədən Qazax və Tavuş sərhədlərinin demarkasiyası göstərdi ki, erməni əhalisi buna etiraz edirlər. İndiki halda anklavlar məsələsi sonrakı dövrün müzakirə ediləcəyi məsələdir. Hətta sülh sazişi bağlandıqdan sonra sərhədlərin delimitasiyası məsələsi müzakirə edilə bilər. Bu uzunmüddətli prosesdir. Amma bununla belə Başkəndin Ermənistana veriləcəyini düşünmürəm. Ərazinin strateji əhəmiyyəti yüksəkdir. Başkəndi verilməsi hərbi baxımdan təhlükəsizlikdə ciddi problem yaradır. Bütün hallarda Azərbaycan qalıb tərəfdir və Ermənistana belə bir güzəşti etməyəcək. Azərbaycan eyni zamanda Kərkinin və Qazaxın 3 kəndinin geri qaytarılması ilə bağlı danışıqlardan imtina etməyəcək. Onların qaytarılmasının isə bir çox yolları var".

Asif Nərimanlının sözlərinə görə, sonrakı dövrdə əvəzinə buna qarşılıq olaraq Ermənistana iqtisadi dəstək və regional layihələrin qoşulması təklif edilə bilər:

"Yəni bu yollar tükənməyib. Amma bunun yolu ərazi mübadiləsi deyil. Əslində Almatı bəyannaməsinə baxdıqda Başkəndin verilməsi aktuallaşır. Amma bu məsələdə SSRİ dağılandan sonra mövcud olan xətlər üzrə müəyyənləşmə prinsipi əsas götürülməyəcək. Çox güman ki, Azərbaycan SSRİ dövründə ki, keçmiş xəritələri gündəmə gətirə bilər və Başkənd məsələsini arxa plana keçirəcək. Deputatların fikirlərindən görünür ki, onlar məsələnin mahiyyətini anlamırlar. Qanunvericilik orqanlarında təmsil olunan və həm də siyasətdə bilinən bir adamın, bu cür çıxış etməyi ən azından milli maraqlara uyğun gəlmir. Mövcud şəraitdə vəziyyətin doğru analiz edilmədiyi də aydın görünür. Ən azından indiki məqamda bu məsələni gündəmə gətirmək belə sual altındadır. Çünki Qazaxın 4 kəndi qaytarılıb. Digər 4 kəndin qaytarılması məsələsi sonrakı dövrün prosesidir və razılaşmada belə qeyd olunur. Daha mürəkkəb mövzuların olduğu halda və lazım görülməyən bir məsələnin aktuallaşdırılması, gündəmə gətirilməsi yersiz və bunu etməkləridə açığı bir qədər şübhə doğurur".

Telegramda izləyin

instagramda izləyin