Hərbçilərin sosial şəbəkələrə girişi QADAĞAN OLUNUR? - AÇIQLAMA

Xəbər verdiyimiz kimi, İngiltərə Müdafiə Nazirliyinin tabeliyində olan saytlardan birinə haker hücumu olub. Hakerlərin hücumu necəsində bir çox əsgərlərin və keçmiş zabitlərin məlumatları ələ keçirilb. Eyni zamanda silahlı qüvvələrin hazırkı və keçmiş üzvlərinin adlarını, bank məlumatlarını əks etdirən əmək haqqı sisteminə icazəsiz giriş əldə edilib və məlumatlar açıqlanıb.

Təbii olaraq, burada söhbət hərbi məlumatların ortaya çıxması və sızdırlmasından gedir. Əlbəttə ki, bizdə bu problem daha fərqlidir. Sərhədyanı, hərb postların yerləşdiyi ərazilərə yaxın yaşayan sakinlərə və həebçilərə sosial şəbəkələrdə edilən paylaşımlar, aktiv istifadə olunması ilə bağlı ciddi xəbərdarlıq edilir. Amma buna baxmayaraq, hərbçilərin sosial platformalarda aktivliyinin şahidi oluruq. Bununla əlaqədar olaraq cəzalandırılanların sayı da az deyil. Paylaşımlar nəticəsində hərbi məlumatlar və hərbi məntəqənin koordinatları ortaya çıxa bilər. Bu baxımdan hərbçilərin sosial şəbəkəyə girişinə qadağa qoyula bilər?

Mövzu ilə bağlı Sonxeber.az-a danışan Azərbaycan İnformasiya və Kommunikasiya Texnologiyaları Sənayesi Assosiasiyası İctimai Birliyinin İdarə Heyətinin sədri Elvin Abbasov deyib ki, sosial şəbəkədəki digital izlərlə hər zaman şəxsi məlumatlar oğurlana bilmir. Koordinatlarında alınması həmişə mümkün deyil:

"Hərbi təyinatlı ərazilərdə, konflikt zonalarda şəkillər çəkilib birbaşa paylaşılırsa, bu zaman platformada koordinatlar alına bilər. Çünki müasir smartfonlarda hər hansı bir şəkil çəkdirəndə o şəklin çəkildiyi coğrafi məkandan məlumatları fayla əlavə edirlər. Bu hər bir halda belə olmur. Məsələn biz Whatsapp üzərindən şəkil göndərən zaman platforma həmin şəkli sıxır, oradakı teqləri yox edir. Hər paylaşılan şəkildən koordinat və məlumat almaq olmur. Sosial şəbəkələrdəki paylaşımlarımız bizim rəqəmsal izlərimizdir. Həmin izlərdən yola çıxaraq bir çox rəqəmsal izi bir araya gətirərək hərbçilər haqqında məlumatları əldə etmək mümkündür. Ümumiyyətlə texnologiya dövründə bir şəxsi internetdə tapmaq və aşkarlamaq, haqqında məlumat əldə etmək elədə çətin bir şey deyil. Bir şəxs əgər sosial şəbəkələrdə olmasa da, onun haqqında olan məlumatlar müəyyən dövlət portallarında, resurslarda mövcuddur. Şəxsin istər dövlət, istərsə də onun müayinə olunduğu klinikalar, fəaliyyətdə olduğu bizneslər olsun, bir çox fərqli portallarda onlar haqqında məlumatlar olur".

Ekspertin sözlərinə görə, bu məlumatlar onu deməyə əsas verir ki, bu gün həmin şəxslər sosial şəbəkə istifadə etməsə də, fərdin özünün günahı olmadan onun haqqında məlumatları ortaya çıxarmaq olar:

"Yeri gəlir dövlət qurumlarından məlumatlarda çıxarıla bilər. Bu məlumatların əldə olunması isə ölkəyə görə dəyişə bilir. Bəzən Amerika kimi ölkələrdə həmin məlumatları əlçatanlıq daha çox açıqdır. Azərbaycan kimi ölkələrdə isə şəxsi məlumatlar fərqli tənzimlənir. Ölkənin baxışı və data siyasətinə görə dəyişkənlik mövcuddur. Sosial şəbəkələrdə hərbçilər o qədər açıq paylaşımlar edə bilər ki, onun haqqındakı hər bir məlumatın aşkarlanması rahatlıqla baş verə bilər. Əlbəttə ki, bu baş verənlərin qarşısını almaq üçün məhdudiyyət qoymaq yaxud bir platforma yaratmaq mümkün deyil. Bu bir virus deyil ki, buna qarşı bir antivirus yaradaq. Burada ancaq şəxs özü maariflənməlidir. Bununla yanaşı həmin qəbul olan fərdlərin özünün məsuliyyəti olmalıdır. Məsuliyyət çərçivəsində öz rəqəmsal izlərini şüurlu olaraq buraxmalıdır".

Telegramda izləyin

instagramda izləyin