Azərbaycanlı ifaçı : "Məni efirə yalvarıb çağırırlar"

Müğənni Mətanət Əsədovanı bir daha qalmaqallı verilişlərdə görməyəcəksiniz. O bu mövzuda özünə qadağa qoyub.

Sonxeber.az bildirir ki, müğənni qadağası haqda milli.az-a danışıb:

"Camaata qalmaqal lazım deyil, camaat bundan artıq bezib. İnsanlar çox çətinliklə yaşayır, onlar qalmaqala yox, sənətə baxmaq istəyirlər. Qalmaqalla reytinq qazanmaq lazım deyil. Hal-hazırda qalmaqallı verilişlər azalıb. Elə teleaparıcılar var ki, sırf qalmaqalla gündəmdə qalıblar. Həmişə qalmaqaldan qaçmışam, nədənsə qalmaqal da məni tapıb. Verilişlərin birində bir qalmaqal yaşamışam. Məni o verilişə yalvararaq çağırıblar, amma xəbərim olmayıb ki, mənə qurğu qurublar. Bunu əvvəlcədən planlaşdırmışdılar. Günahı yenə də özümdə görmüşəm ki, mənim orada nə işim var? Amma üzr istəyiblər və hər şey həll olunub. Heç kimin ixtiyarı yoxdur kiminsə hüququnu tapdalasın".

Telegramda izləyin