Son dəqiqə! Mərkəzi Banka 4,2 milyard dollar köçürülür, manat bahalaşacaq

Son dəqiqə! Mərkəzi Banka 4,2 milyard dollar köçürülür, manat bahalaşacaqNeft Fondu Mərkəzə Banka 2016-cı il ərzində indiki məzənnə ilə 4.2 milyard dollar köçürəcək.

Sonxeber.az bildirir ki, bu, təxminən ayda 352 milyon dollar edir. Bəs bu köçürülmə ölkə iqtisadiyyatına, manatın taleyinə necə təsir göstərəcək?

Bununla bağlı açıqlama verən iqtisadçı Samir Əliyev bildirdi ki, hesablamalara əsasən, valyuta bazarının aylıq kəsiri 300-400 milyon dollardır.

"Deməli, bu transfert gözlənilməz hadisələr (neftin kəskin ucuzlaşması, siyasi böhran, maliyyə panikası və s.) baş verməsə, bazarı 2017-ci ildə sakitləşdirə biləcək. Bankların dollar satışı bərpa ediləcək. Qara bazarın əhəmiyyəti azalacaq.

Mərkəzi Bank yəqin ki vəsaitləri bir neçə istiqamətdə istifadə edəcək:
– ehtiyac yarandıqca hərraca əlavə vəsait çıxartmaq
– dövlətin və bəzi bankların (məsələn, Beynəlxalq bankın) xarici öhdəliklərini qarşılamaq
– banklara dollar likvidliyi (kredit və ya depozit vasitəsilə) vermək

Qeyd etdiyimiz kimi valyuta çatışmazlığını Neft Fondunun aktivləri və Mərkəzi Bankın ehtiyatları hesabına müvəqqəti aradan qaldırmaq olar. Ancaq bu, problemin ömrünü uzatmaq və onun taleyini dünya bazarlarında neftin bahalaşmasına bağlamaqdan başqa bir şey deyil. Problem sistem xarakter daşıdığından məsələnin həlli köklü yanaşma tələb edir. Manatın məzənnəsinin sabitliyi yalnız dayanıqlı makroiqtisadi sabitlik və iqtisadi inkişaf fonunda mümkündür.

Hökumət təxminən 1 il vaxt qazandı. Hətta bu təşəbbüsdən sonra da manatın tam üzməsini iddia etmək olmaz. Manat Mərkəzi Bankın dəstəyi ilə üzməkdə davam edəcək. Bu addımlardan sonra manatın bahaşması real deyil. Ola bilər epizodik bahalaşma baş versin. Amma tendensiya ucuzlaşmaq istiqamətində olacaq. Sadəcə Neft Fondunu bu dəstəyi imkan verəcək ki, manat tədricən ucuzlaşsın.

Problemin həlli əksdollarlaşma siyasətindədir. Deşikli qaba nə qədər su töksək bir müddətdən sonra qabda yenə də su azalacaq. Ona görə də o deşikləri tutmaq lazımdır. Həmin deşiklər isə bizim nümunədə kapital axını və dollarlaşmadır. Hökumət əsas diqqəti əksdollarlaşma tədbirlərinin gücləndirilməsinə yönəltməldir. Neft Fondunun pulu hesabına valyuta bazarını dollarla təmin siyasəti isə sonda uğursuzluğa düçar ola bilər və təhlükəsizlik yastığının "əriməsinə" gətirib çıxara bilər".

İqtisadiyyat   Baxılıb: 4966   Tarix: 11 yanvar 2017  
Facebookda Paylaş




DİGƏR MARAQLI XƏBƏRLƏR



vipemlak.az