Biabırçı görüntüləri yayılan məktəbin direktoru: "İzahatımı vermişəm"

Biabırçı görüntüləri yayılan məktəbin direktoru: "İzahatımı vermişəm"Xətai rayon 171 nömrəli məktəbin direktoru məktəbin bufeti və ayaqyolusundakı biabırçı görüntülərin efirə getməsindən danışıb.

Sonxeber.az-a danışan Telman Qardaşov məsələ ilə bağlı əvvəl heç bir açıqlama vermək istəməsə də, həmin material efirə gedəndən sonra Bakı Şəhər üzrə Təhsil İdarəsinə məktəbin hazırki vəziyyəti ilə bağlı materialları göndərdiyini açıqlayıb:

"Efirə gedən görüntülərdən sonra bütün materialları Bakı Şəhər üzrə Təhsil İdarəsinə göndərmişik. Hazırda məktəb qəzalı vəziyyətdədir. Təmir işləri gedir. Xahiş edirəm əlavə sullar verməyin. Mən heç kimə izahat vermək istəmirəm. Bütün izahatlarımı Təhsil idarəsinə göndərmişəm. Başa düşürsünüz məni?".

Xatırladaq ki, "ATV"-də kanalının "Yoxlama" verilişində 171 nömrəli orta məktəbdə baş verən qalmaqallı çəkiliş efirə gedib. Aparıcı Azər Zahid Xətai rayon 171 nömrəli məktəbin bufetini və ayaqyolusunu çəkib. Bərbad, iyrənc, anti-sanitariya vəziyyətdə olan yerlərin biabırçı görüntülərinin çəkilməməsi üçün əlindən gələni əsirgəməyən məktəbin direktoru bu biabırçılığı gizlətməyə çalışsa da, istəyi alınmayıb.

Sosial   Baxılıb: 2736   Tarix: 11 yanvar 2017  
Facebookda Paylaş




DİGƏR MARAQLI XƏBƏRLƏR



vipemlak.az