Manat "dib"i görəcək

Manat "dib"i görəcəkXəbər verdiyimiz kimi, Mərkəzi Bank (MB) valyuta mübadilə məzənnəsinin təyin olunması zamanı banklara qoyulan 4 faizlik marjanı aradan qaldırmaqla bağlı qərar verib. Eyni zamanda valyuta hərraclarının keçirilmə prinsiplərində də dəyişikliklər edilib. Bundan sonra hərraclar həftədə iki dəfə deyil, üç dəfə keçiriləcək.

Bununla MB manatın tam üzən məzənnə rejiminə keçidini təmin etməyə çalışır. Başqa sözlə, bundan sonra dolların məzənnəsini MB və banklar deyil, birbaşa bazar özü tənzimləyəcək. Bu zaman nələr gözlənilir?

Suallarımızı cavablandıran iqtisadçı ekspert Vüqar Bayramov bildrib ki, MB valyuta satışı zaman müəyyənləşdirilən 4 faizlik marjı ləğv edərsə, Azərbaycanda liberal üzən məzənnəyə keçiləcək.

"Amma Mərkəzi Bank bunu cari tələbi ödəmədən həyata keçirərsə, hətta Neft Fondunun baş banka bu ilki 7.5 milyard manatlıq transferlərinə baxmayaraq, manatın dəyər itirməsinin qarşısını almaq mümkün olmayacaq. Liberal məzənnənin bu ilin yaz aylarında tətbiq olunması güman edilirdi. Amma belə görsənir ki, bu daha tez baş verə bilər".
İqtisadçı qeyd edib ki, yanvar ayında idxala tələbat azaldığından xarici valyutaya tələbat da azalıb. Ona görə də 2017-ci ilin yanvar-fevral aylarında dolların məzənnəsini sabit saxlamaq mümkün olacaq.
"Amma Mərkəzi Bankın qısa zamanda liberal məzənnəyə keçidi heç də arzuolunan deyil. Təəssüf ki, ötən 2 il yarım müddətdə milli valyutamız liberal məzənnə rejiminə hazırlaşdırılmadı. Liberal məzənnəyə keçid yaxın zamanlarda baş verərsə o zaman dolların yenidən bahalaşmasını müşahidə edəcəyik".
V.Bayramov yaz aylarından başlayaraq dollara tələbatın artacağını bildirib: "Hələki bazarda dollara tələbat o qədər də çox deyil. Mərkəzi Bank son hərracda 300 milyon dollar satmaqla hələlik tələbatı ödəyə bilib. Ancaq bu tendensiya uzun sürməyə bilər. Yaz aylarında bazarda dollara tələbat artacaq. Bu zaman bazarda öz qymətini alacaq manat "dib"i – yəni ən aşağı qiymətin görəcək. Ancaq düşünürəm ki, Mərkəzi Bank əlindəki imkanlardan yararlanaraq manatın 2 dollardan baha olmamasına çalışacaq".
Ekspertin sözlərinə görə, ölkədə dollara tələbat aylar üzrə fərqli olsa da orta aylıq tələb təxminən 800 milyon dollardır. MB valyuta hərraclarının sayını artırmaq və Neft Fondundan transferlər hesabına həmin tələbatı ödəməyə çalışacaq.
"Marjanın ləğvindən sonra Mərkəzi Bank əksdollarlaşma siyasətini həyata keçirməlidir. Bu yolla manatın məzənnəsini nisbətən sabit saxlamamq mümkün olar. Eyni zamanda ölkədə potensial investorların manatla sərmayə yatırmalarını stimullaşdırmaq lazımdır. Bu zaman əmlak, inşaat, xidmət sektorunda canlanma yaranacaq".

mənbə: fins.az

İqtisadiyyat   Baxılıb: 2120   Tarix: 12 yanvar 2017  
Facebookda Paylaş




DİGƏR MARAQLI XƏBƏRLƏR


vipemlak.az