Terrordan 20 dəqiqə əvvəl "Reina"ya girə bilməyən turistlərin başlarına iş gəlib

İstanbulun Ortaköy ərazisindəki "Reina" gecə klubunda törədilən terror zamanı ölümün bir addımlığından dönən holland turistlər fırıldaqçıların tələsinə düşüblər.

Qarşılaşdıqları frıldaqçılığı çəkən iki turist videonu paylaşıblar. Türkiyəyə ilk dəfə gələn 22 yaşlı hollandiyalı turistlər Tim Von Den Hoff və Daniel Holthuis Yeni ili hücumun yaşandığı gecə klubunda keçirmək istəyiblər. Ancaq öncədən sifarişlərinin olmaması səbəbiylə gənclər əyləncənin məkanını Taksimlə əvəz ediblər. Burada isə naməlum şəxslər tərəfindən 6 min TL dəyərində fırıldaqçılıqla qaşılaşırlar.

Turistlər terrordan cəmi 20 dəqiqə əvvəl öncədən sifariş vermədikləri üçün təhlükəsizlik işçiləri tərəfindən "Reina"ya buraxılmayıblar. Bu səbəbdən onlar İstiqlal prospektində başqa bir gecə klubuna yollanıblar. Sifariş etməyə macal tapmamış turistlər özünü klubun sahibi kimi təqdim edən şəxs də daxil olmaqla 5 nəfər tərəfindən mühasirəyə alınıblar. Təhdidlə hesab ödəməyə məcbur ediliblər. Onlara deyilən 6 min TL-ni ödəmək məcburiyyətində qalan turistlər ölkələrinə gedər-getməz video müraciət paylaşıblar. Turistlər terrora və başlarına gələn bu xoşagəlməz olaya rəğmən yenidən Türkiyəyə gələcəklərini bildiriblər.

mənbə: milli.az

Telegramda izləyin

instagramda izləyin