Prezident TƏSDİQLƏDİ: Azərbaycanda minimum aylıq əmək haqqı 11 manat artdı

Azərbaycan Respublikasının Prezidenti İlham Əliyev "Minimum aylıq əməkhaqqının artırılması haqqında" sərəncam imzalayıb.
Sonxeber.az bildirir ki, minimum aylıq əməkhaqqının məbləği 2017-ci il yanvarın 1-dən 116 manat müəyyən edilib.
Nazirlər Kabinetinə bu sərəncamdan irəli gələn məsələləri həll etmək tapşırılıb.
"Minimum aylıq əməkhaqqının artırılması haqqında" Azərbaycan Respublikası Prezidentinin 2013-cü il 31 avqust tarixli 3112 nömrəli sərəncamının (Azərbaycan Respublikasının Qanunvericilik Toplusu, 2013, № 8, maddə 992) 1-ci hissəsi ləğv edilib.
Bu, minimum əməkhaqqının 11 manat (10,5 faiz) artımı deməkdir.
Xatırladaq ki, indiyədək minimum əməkhaqqı 105 manat olub.

Telegramda izləyin

instagramda izləyin