Aparıcı Turan Lavrova haqq qazandırdı: "Dağlıq Qarabağ problemini biz həll etmirik"- VİDEO

Aparıcı Turan İbrahimov Rusiyanın xarici işlər naziri Sergey Lavrovun son qalmaqallı fikirlərinə haqq qazandırıb.

Sonxeber.az bildirir ki, aparıcı qeyd edib ki, Dağlıq Qarabağ ərazisi, işğal edilmiş ərazilərimiz Azərbaycanın daxili işi olmaqdan çoxdan çıxıb:

"Hazırki dövr Rusiya və Azərbaycan münasibətləri baxımından tam fərqli dövrdür. İndiki dövrdə Azərbaycanda anti-Rusiya əhval-ruhiyyəsi ancaq düşmənlərimizin işinə yarayır. Bunu da necə izah edim bilmirəm. Dağlıq Qarabağ ərazisi, işğal edilmiş ərazilərimiz Azərbaycanın daxili işi olmaqdan çoxdan çıxıb. Bunu qəbul etmək lazımdır. Bu geosiyasi oyunun bir parçasıdır. Bizə qalsa, torpaqlarımızı 24 saat ərzində işğaldan azad edərik. Amma işğaldan azad edib torpaqlarımız üzərində suverleyimizi qoruyub saxlaya bilərikmi? Böyük güclər buna imkan verərmi? Xeyr...".

Qeyd edək ki, Lider TV-nin Moskva üzrə müxbiri Anar Həsənov Rusiyanın xarici işlər naziri Sergey Lavrova "Azərbaycan tərəfinin antiterror əməliyyatlarına başlayacağı və işğal olunmuş əraziləri işğalçılardan təmizləyəcəyi təqdirdə Moskva necə hərəkət edəcək: buna göz yumacaq, yoxsa Azərbaycanın daxili işlərinə qarışacaq" sualını verib.

Lavrov isə "Dağlıq Qarabağ ərazisində güc əməliyyatlarının və döyüş hərəkətlərinin keçirilməsi Azərbaycanın daxili işi deyil" cavabını verib.

Aparıcı T.ibrahimovun sözügedən çxışının videosunu təqdim edirik:

Telegramda izləyin

instagramda izləyin