Evlərin qiyməti ilə bağlı əhaliyə şad xəbər

"Mənzil bazarında dollarla satılan daşınmaz əmlakların qiyməti ucuzlaşacaq. Manatla satılan mənzil bazarında isə durğunluq davam edəcək"

Bunu açıqlamasında daşınmaz əmlak eksperti Rəşad Əliyev hazırda mənzil bazarındakı durumu qiymətləndirərkən deyib.

Ekspertin sözlərinə görə, daşınmaz əmlak bazarında ən böyük dəyişiklik 2015-ci ildə olub:

"Çünki həmin ildə ölkədə iki dəfə devalvasiya baş vermişdi.2016-ci ildə mənzil bazarında şoklar (qiymət artımı və ya azalması) olsa da, 2015-ci ilə nisbətən sabit keçib. Bazarda bütün mənfi hallar 2015-ci ildə baş vermişdi. O ki qaldı hazırda daşınmaz əmlak bazarındakı vəziyyətə valyuta bazarında son 2-3 ayda baş verənlər bazara sözsüz ki, bu sahəyə mənfi təsirini göstərir. Bu da öz növbəsində alqı-satqı əməliyyatlarının azalmasına səbəb olub".

Rəşad Əliyev hesab edir ki, hazırda mənzil almaq istəyən şəxslərin əlində olan valyuta dollarladır. Onun sözlərinə görə, valyuta bazarında baş verən dəyişiklər artıq mənzil satanları bir növ qorxudub.

"Son dövrlərdə ən çox yaranan problemlərdən biri də alıcı ilə satıcı arasında baş verən "beh"ləşmə zamanı baş verir. Ev alqı-satqısı bir az uzun müddət çəkdiyindən və bəzi mənzillərin qiyməti dollarla olduğundan məzənnə dəyişdiyinə görə bəzən problemlərə səbəb olur. Bundan başqa ev alqı satqısı elə olur 6 ay çəkir və satıcı baxır ki, məzənnə dəyişir və uduza bilər. Bu səbəbdən də təşvişə düşür. 2016-cı ildəki durğunluğun səbəblərindən biri də o idi ki, satıcılar qorxuya düşüb, mənzilləri satmaqdan imtina edirdilər", – deyə ekspert əlavə edib.

2017-ci ildə mənzil bazarındakı qiymətlərin necə olacağı şərh edən R.Əliyev manatla bağlı ciddi nəsə olacağını proqnozlaşdırmağını deyib:

"Düşünmürəm ki, manat yenidən bahalaşsın. Dollar ifadəsində isə bu sözsüz ki, manatın məzənnəsindən asılı olacaq. Manatın məzənnəsi ucuzlaşmaqda davam etsə, dollarla ekvivalentin də qiymətlərin enməsini müşahidə edəcəyik. Düzdür, son zamanlara bizə bildirirlər ki, niyə görə qiymətlərə dollarla baxırsız? Hər şey manatla göstərilir, alqı-satqı da manatla aparırlır, amma siz yenə də dollarla təhlil aparırsınız. Söhbət odur ki, bazarın indukatorunda (bazarı müşahidə etmək üçün) dollarla aparılan təhlil bir sıra prosesləri daha aydın görməyə kömək edir. Bir sözlə, mənzil bazarında dollar satılan daşınmaz əmlakların qiyməti ucuzlaşacaq. Manatla satılan mənzil bazarında isə durğunluq davam edəcək".

Mənbə: A24.Az

Telegramda izləyin

instagramda izləyin