Qandonduran olay! Ata qızını və yeznəsini küçədə güllələdi, sonra...

Türkiyədə ata qızını və yeznəsinı evlərinin qarşısında güllələyib.

Hadisə İzmirin Çiğli şəhərində yaşanıb. Əri ilə birlikdə işlədiyi şirkətdən evə gələrkən Özləm Osmanoğlu atasının silahlı hücumuna məruz qalıb. Belə ki, evli cütlüyü gözləyən ata qızı Özlem Osmanoğlu və Murat Osmanoğlunun avtomobildən düşən kimi silahla qarşılarında dayanıb və "bunu siz istədiniz" deyə qışqıraraq əlindəki silahla cütlüyə atəş açıb. Əvvəlcə teznəsini vuran Ali A., daha sonra qızını güllələyib.

Osmanoğlu cütlüyünün yerdə qan içində qalmasına baxmayaraq, Ali A. daha sonra qızının və yeznəsinin gəldiyi avtomobili benzin tökərək yandırıb və hadisə yerindən qaçıb. Hadisə yerinə gələn təcili yardım Murat Osmanoğlunun dünyasını dəyişdiyini müəyyən edib. Ağır şəkildə yaralı olan Özlem Osmanoğlu isə xəstəxanaya aparılıb. Vəziyyətinin isə ciddi və ağır olduğu bildirilir. Polis hadisəni törədən Ali A.-nın axtarışlarını davam etdirir.

Bildirilir ki, təqaüdçü olan Ali A. ilə yeznəsi Murat Osmanoğlu arasında pul davası olub. Bundan başqa Osmanoğlunun şikayəti ilə Ali A.-nın oğlunun vəkillik diplomu ləğv edilib. Bundan sonra da onlar arasında olan düşmənçilik daha da qabarıb.

Mənbə: A24.az

Telegramda izləyin

instagramda izləyin