Azərbaycanlı vəzifəli məmurun uçqun altında qalan ailəsindən son məlumat - Bir körpə sağ çıxarıldı

Lerik rayonunda qar uçqunu altında qalaraq öənlərin meyitləri çıxarılıb.

Bu barədə Lerik rayon İcra Hakimiyyəti başçısının müavini, Rayon Fövqəladə Hallar Komissiyasının sədri Habil Məlikov məlumat verib.

O bildirib ki, qar yığını kənd sakini Əhliman Mustafayevə məxsus evin üzərinə düşüb: "Qar uçqunun altından 4 meyit, 1 nəfər isə sağ olaraq çıxarılıb. Onlardan ikisi qadın, ikisi isə az yaşlı uşaqlardır. Ölənlər ev sahibi Əhliman Mustafayevin həyat yoldaşı, gəlini və 2 azyaşlı nəvəsidir. 3-cü nəvəsi isə sağ çıxarılıb".

Habil Məlikov havanın pis olması səbəbindən rayonun bütün rəhbər şəxlərinin hələ də kəndə gedib çata bilmədiklərini qeyd edib: "Hazırda yoldayıq. Kəndə getmək çətindir. Rayonun bütün rəhbər şəxsləri hadisə yerinə gedir. Rayon icra başçısı Rövşən Bağırov da hazırda yoldadır.

Ümumiyyətlə, Orat kəndi Lerikin İranla sərhəddə yerləşən ən ucqar kəndidir. Hazırda Fövqəladə Hallar Nazirliyi və müvafiq qurumlar yolların təmizlənməsi və bizim həmin əraziyə getməyimiz üçün müəyyən işlər aparır".

Qurum rəsmisi onu da əlavə edib ki, kəndə çatdıqdan sonra meyitlərin dəfni ilə məşğul olacaqlar.

Qeyd edək ki, Orat kəndi dəniz səviyyəsindən 2200 metr yüksəklikdə yerləşir.

Onu da bildirək ki, bu gün Lerik rayonunda qar uçqunu olub. Nəticədə bir ailənin 4 üzvü ölüb. Onu da bildirək ki, qar uçqununun altında qalan ev Orant kənd bələdiyyəsinin sədri Amil Mustafayevin atası Ə.Mustafayevə məxsusdur.

...

Qar uçqununa məruz qalan evdə Qasım və Zöhrab Mustafayev qardaşları ailələri ilə birgə yaşayıblar. İstiPress-in cənub bürosunun əldə etdiyi ən son məlumatlara görə, uçqun nəticəsində ölənlər bunlardır:

1. Qaynana - 1961-ci il təvəllüdlü Şövkət Mustafayeva;

2. Gəlin - 1994-cü il təvəllüdlü İlahə Mustafayeva;

3. 2015-ci il təvəllüdlü Zəhra Qasımqızı;

4. 2016-cı il təvəllüdlü Uğur Qasımov.

Qar altından qalan evdən bir nəfər sağ çıxarılıb. Bu, 2016-cı il təvəllüdlü Elcan Zöhraboğludur. Qeyd edək ki, artıq meyitlər qarın altından çıxarılıb. Məlumat üçün bildirək ki, hadisə baş verən vaxtı qardaşlar və ataları həyətdə olublar. Onların yaşadığı Orand kəndi Lerikin ən ucqar yaşayış məntəqəsidir.

Mənbə: BakiPost.az

Telegramda izləyin

instagramda izləyin