Ermənistan hakimiyyəti tələbələri yerinə yetirməkdən imtina etdi

Ermənistan hakimiyyəti tələbələri yerinə yetirməkdən imtina etdi"Sosna Tser" silahlı qruplaşmasının ərzaq təminatçısı ("çörəkdaşıyan"ı) Artur Sərkisyanın dəfni martın 22-də təşkil olunacaq.

Sonxeber.az musavat.com-a istinadən bildirir ki, martın 16-dan sonra İrəvanda keçirilən etiraz aksiyalarına baxmayaraq, hakimiyyət üsyançının "Yerablur" hərbi məzarlığında dəfn olunması tələbinə məhəl qoymayıb. Belə ki, "çörəkdaşıyan"ın 22 martda saat 14.00-da Şaumyan qəbristanlığında dəfn edilməsinə qərar verilib. Bununla bağlı qərarı bu gün keçirilən növbəti mitinqdə "Mülki cənazə təşəbbüsü"nün üzvü Tamara Ovannisyan elan edib.

"Hakimiyyət Sərkisyana qarşı kinini gizlədə bilmədi və onun "Yerabur" hərbi məzarlıqda dəfninə imkan vermədi. Amma çox gözləmək lazım gəlməyəcək, tezliklə Sərkisyan qəhrəmanlar məzarlığındakı yoldaşlarının yanında öz yerini Tutacaq" -deyə, Ovannisyan hakimiyyətə şifrəli xəbərdarlıq yollayıb.

Bundan əvvəl Ermənistan hakimkiyyəti etirazçıların digər tələblərinə də məhəl qoymayıb. Belə ki, İrəvan küçələrində yürüş-mitinq keçirənlər A.Sərkisyanın müəmmalı ölümünə aydınlıq gətirmək üçün nəşi üzərində ekspertizanın beynəlxalq tibb ekspertlərinin aparılmasını tələb edirdi. Rəsmilər ekspertizada Gürcüstan və Ermənistandan olan həkim briqadasının birgə iştirak edəcəyinə söz versə də, sonda bundan imtina edib.

Son məlumata görə, martın 18-də axşam radələrində meyitin üzərində yerli mütəxəssislər tərəfindən ekspertiza aparılıb, ancaq hələlik nəticə bəlli deyil. Mitinqçilərin A.Sərkisyanın qanunsuz həbsinə və ölümünə bais olan ədliyyə naziri və baş prokurorun istefaya göndərilməsi, digər cavabdehlərin cinayət məsuliyyətinə cəlb olunması tələbi də yerinə yetirilməyib. Bu mənada dəfn mərasimində qarşıdurmaların olacağı istisna edilmir.

Hadisə   Baxılıb: 1568   Tarix: 20 mart 2017  
Facebookda Paylaş




DİGƏR MARAQLI XƏBƏRLƏR


vipemlak.az