Bolqarıstanlı prezidentə 1 il müddətinə Azərbaycana giriş qadağası qoyuldu

Bolqarıstanlı prezidentə 1 il müddətinə Azərbaycana giriş qadağası qoyulduBakının "İnter" futbol klubunun sabiq prezidenti Georgi Nikolov Azərbaycanı tərk edib.

Futbol funksioneri "Report"a açıqlamasında deyib ki, aprelin 7-də Bolqarıstana dönüb.

O, Azərbaycana girişinə 1 il müddətinə qadağa qoyulduğunu da qeyd edib: "Martın 7-də Bolqarıstana dönmüşəm. Nəhayət ki, Varnada, evimdəyəm, problem həll olundu. Lakin Azərbaycanın Dövlət Miqrasiya Xidməti ölkəyə girişimə qadağa qoyub. Səbəb isə son il yarım ərzində Bakıda qanunsuz yaşamağımdır. Halbuku icazəsiz yaşamaqla bağlı problem məndən qaynaqlanmırdı. Beynəlxalq Bankla bağlı araşdırmalar getdiyi üçün Azərbaycandan çıxışıma qadağa qoyulmuşdu. Amma mənə qarşı heç bir ittiham irəli sürülməmşdi. Proses başa çatdı və səbrli davrandığım üçün mənə təşəkkür edib, yola saldılar. Mənə dəstək olan, maraqlanan hər kəsə, xüsusən də media nümayəndələrinə təşəkkür edirəm. Ümid edirəm ki, yenə görüşəcəyik".

"İnter"in sabiq prezidenti deyib ki, bundan sonra futbol sektorunda çalışmaq istəmir. O, şəxsi biznesini quracağını söyləyib: "Hələlik iş barədə düşünmürəm, istirahət edib, özümə gəlməliyəm. Artıq futbol sektorunda çalışmağa həvəsim yoxdur. Amma heç vaxt "heç vaxt" deməmək lazımdır. Şəxsi işimi quracam".

Xatırladaq ki, Georgi Nikolov 2006-cı ildən 2015-ci ilədək Bakının "İnter" klubunun prezidenti vəzifəsində çalışıb. Komandanın fəxri prezidenti isə "Azərbaycan Beynəlxalq Bank" ASC-nin sabiq rəhbəri, hazırda həbsdə olan Cahangir Hacıyev olub.

İdman   Baxılıb: 940   Tarix: 08 aprel 2017  
Facebookda Paylaş




DİGƏR MARAQLI XƏBƏRLƏR



vipemlak.az