Şərhçi işdən çıxmasından danışdı: "...xəbərləri oxuyanda gülməkdən ölmək istəmirəm"

Şərhçi işdən çıxmasından danışdı: "...xəbərləri oxuyanda gülməkdən ölmək istəmirəm""İdman Azərbaycan" Televiziyasının şərhçisi Tərlan Şahinoğlu telekanaldan ayrılıb.

Bu haqda telejurnalist özü məlumat verib.

O işdən ayrılması haqda çox danışmayıb istəməyib: "Bu gün rəsmən bitdi. 6 il yarım ərzində şərhçi kimi işlədiyim məkandan ayrılmalı oldum. Bu müddət ərzində peşəmlə bağlı çox böyük təcrübə qazandım. Bunda əməyi olan hər kəsə öz təşəkkürümü bildirirəm. Amma bundan başqa həm də dəyərli saydığım insanları və dostları tanıdım. Adlarını tək-tək çəkməyəcəyəm. Onlar özləri bilirlər. Hamısına cansağlığı və işlərində uğurlar arzulayıram. Nə isə. Uzatmaq istəmirəm. Uzun sözün qısası, mənim Az.TV macəram sona çatdı. Mən də daxil olmaqla, Allah hamının yolunu açıq eləsin və ürəyinə görə versin. İnşallah!"

"Futbol+" qəzeti telejurnalistin işdən hansı səbəbdən ayrılması ilə bağlı araşdırma aparıb və məlum olub ki, Tərlan Şahinoğlu sosial şəbəkədə yazdığı statusa görə rəhbərliyin qəzəbinə tuş gəlib. Qəzetin yazdığına görə, "Mançester Yunayted" azarkeşi olan Şahinoğlunun sosial şəbəkədə bu komandanın erməni futbolçusu Henrix Mxitaryanla bağlı fikir bildirməsi telekanal rəhbərliyinin xoşuna gəlməyib. Bundan sonra Tərlana uzun müddət heç bir oyunun şərhçiliyi tapşırılmayıb, nəticədə telekanaldan ayrılıb.

Teleaparıcı özü isə bu haqda danışmaq istəmədiyini bildirib.

Qeyd edək ki, telekanalda "Mançester Yunayted"in oyunları zamanı şərhçilər erməni futbolçuya soyadı ilə deyil, adı ilə müraciət edir.

***

Məsələ ilə bağlı Tərlan Şahinoğlu "Facebook" hesabından yaydığı açıqlamada yayılan xəbərlərin həqiqəti əks etdirmədiyini bildirib:

"Mənim Az.TV-dən ayrılma səbəbim erməni futbolçu və ya ona aid yazdığım statusla əlaqədar deyil. Xahiş edirəm, bu cür yazılara inanıb, məni narahat etməyin. Yazılan xəbərləri oxuyanda gülməkdən ölmək istəmirəm. İşdən çıxmağımın əlbəttə ki, bir səbəbi var. Ancaq 100 faiz əmin ola bilərsiniz ki, bunun Henrix Mxitaryanla heç bir əlaqəsi yoxdur. Bütün bunları kim uydurubsa, kim yazıbsa, getsin komediya və ya cizgi filmi qəhrəmanı olsun. Nəyisə yazanda heç olmasa həqiqətə yaxın şeylər yazmaq lazımdır. Oturub uydurma məntiqlərlə yanlış informasiya yaymaq lazım deyil. Ayıbdır. Heç nədən kimisə xalq düşməni etməyə çalışmayın. Və ən əsası, idmanı siyasətə, siyasəti isə idmana qatmayın".

İdman   Baxılıb: 1386   Tarix: 11 aprel 2017  
Facebookda Paylaş

DİGƏR MARAQLI XƏBƏRLƏR


vipemlak.az