BİABIRÇILIQ böyüyür - "AMAY Abdulla"nın adı yeni QALMAQALDA: "Aygünlə intim əlaqədə olmamışam"

BİABIRÇILIQ böyüyür - "AMAY Abdulla"nın adı yeni QALMAQALDA: "Aygünlə intim əlaqədə olmamışam"2014-cü ildə saxlanılan və sonradan barəsində həbs qətimkan tədbiri seçilərək 13 il müddətinə azadlıqdan məhrum edilən iş adamı, "AMAY" MMC-nin rəhbəri Abdullyev Abdulla Fərəc oğlunun adı növbəti dəfə qalmaqalda hallanır.
Cəzasının iki ilə yaxınını çəkdikdən sonra 2015-ci ildə azadlığa buraxılan A.Abdullayev dələduzluqda təqsirləndirilərək həbs edilən qadının işində şahid kimi dindirilib. Söhbət Aygün Akimovanın bir neçə nəfərə qarşı müxtəlif bəhanələrlə dələduzluq etməsi işindən gedir.
Aygün Akimova 6 nəfərə qarşı külli miqdarda dələduzluq edib. İttihama görə A.Akimovadan ən çox zərərçəkmiş şəxs Afət Hüseynovadır. Mağazasının, evinin, maşınının ələ keçirildiyini deyən A.hüseynova ümumilikdə Akimova tərəfindən 800 min manata yaxın ziyana düşdüyünü deyir.
Akimova digər dələduzluq əməllərini yerinə yetirərkən özünü Azərbaycanın ən gənc qadın polkovniki kimi təqdim edib, vəzifəli şəxslərlə yaxın əlaqələrinin olduğunu deyib. O, həmçinin naxçıvanlı biznesmen "AMAY Abdulla"nın həyat yoldaşı olduğunu söyləyib. Maddi imkanlarının çox yaxşı olduğunu deyən Akimova zərərçəkmişlərin etibarını qazana bilib.
Zərərçəkmiş şəxslər də istintaqa ifadələrində Aygün Akimovanın "AMAY Abdulla" ilə münasibətinin olduğunu, iş adamının ona ev, maşın aldığını, maddi ehtiyaclarını qarşıladıqlarını deyiblər. Həmçinin zərərçəkmişlər iddi ediblər ki, Aygün Akimovanın iki övladının atası "AMAY Abdulla"dır.
Elə bu suallara aydınlıq gətirmək üçün istintaq orqanı da naxçıvanlı iş adamını dindirib.
Hazırda Aygün Akimovanın dələduzluq əməlləri ilə bağlı açılan cinayət işi Bakı Ağır Cinayətlər Məhkəməsində araşdırılır. Abdulla Abdullayev də iş üzrə şahiddir. Onun məhkəmə prosesinnə də gələrək ifadə verməsi gözlənilir. Ancaq məhkəmə prosesi hələ ki, zərərçəkmişlərin dindirilməsi ilə davam edir.
Musavat.com Abdulla Abdullayevin istintaq orqanına ifadəsini əldə edib. Naxçıvanlı biznesmen həmin ifadəsində Aygün Akimova ilə münasibətləri haqda ilginc açıqlamalar verib.
Abdulla Abdullyev ifadəsində bildirib ki, AMAY şirkətinin rəhbəri olduğu vaxt təxminən 2004-cü ildə əvvəllər tanımadığı Dilarə adlı qadın onun iş yerinə gələrək seyid nəslindən olduğunu, işçisi Əliyeva Dünyaxanım Yunis qızına pul borcu olduğunu deyib. Dilarə adlı qadın həmin borcunu qaytarması üçün ondan kömək istəyib. A.Abdullayev deyib ki, bundan sonra Dilarə adlı qadına maddi yardım göstərib.
Abdulla Abdullayev ifadəsinin davamında deyib ki, həmin Dilarə adlı qadın növbəti dəfə onun yanına gələrək Aygün adlı qızının kiminsə tərəfindən aldadıldığını və cinsi əlaqədə olduğunu deyib. İş adamının dediyinə görə, Dilarə adlı qadın ondan xahiş edib ki, həmin şəxsə təzyiq edərək qızı ilə evlənməsinə kömək etsin. Ancaq iş adamının bu təklifi qəbul etmədiyini deyib.
Daha sonra Aygün Akimovanı tanımasından danışan A.Abdullayev bunları əlavə edib: "Bir gün Dilarə məndən xahiş etdi ki, bu işin üstü açılmasın deyə qızı Aygünü xaricdə olan zavodlarımdan birində işləməsinə kömək edim. Mən isə xaricdə olan zavodlarımın fəaliyyətini dayandırdığını dedim. Bir müddət sonra Aygün özü mənim qəbuluma gəldi və onu işə götürməyimi xahiş etdi. Bundan sonra Aygünü xadiməçi olaraq işə götürdüm. Aygünə 300 manat maaş verirdim. Bir müddət sonra işçilərimdən kimsə mənə Aygünün hamilə olduğunu dedi.
Aygün oğlan uşağı doğmuşdu. Əri olmadığından uşağın doğum haqqında şəhadətnaməsində uşağın atası kimi mənim adımı yazdırmaq istədiyini dedi. Mənim də Aygünə yazığım gəldiyi üçün buna razılıq verdim. Aygünün uşağının atası isə başqası olub. Mən heç vaxt Aygünlə intim əlaqədə olmamışam".
A.Abdullayev əlavə edib ki, sonradan Aygünün qız övladı da dünyaya gəlib. İş adamı həmin uşağın doğum haqqında şəhadətnaməsində də ata kimi öz adının yazılmasına razılıq verdiyini istintaqa ifadəsində təsdiqləyib.
A.Abdullayev daha sonra Aygünün əxlaqsız hərəkətlər etməsindən xəbər tutduğunu deyib: "İşçilərdən biri Aygünün əxlaqsız hərəkətlərini nümayiş etdirən görüntüləri mənə göstərdi. Həmin görüntüləri Aygünün anasına və qardaşına göndərdim. Həmçinin həmin diskin bir nüsxəsini də Aygünün özünə verdim və daha sonra onu işdən çıxardım. Bundan sonra Aygünü görməmişəm və telefonla da danışmamışam".
Bundan sonra iş adamı 2012-ci ildə Aygün Akimovanın övladlarının atası kimi doğum haqqındakı şəhadətnamələrdə adının yazılmasından narahatlıq keçirib və rəsmi olaraq Nərimanov rayon Məhkəməsinə müraciət edib.
Ancaq A.Abdullayev bu istəyini yerinə yetirə bilməyib. Bir müddət xaricə gedən, daha sonra da həbs edildiyini deyən iş adamı bu işi sona çatdıra bilmədiyini söyləyib.
"AMAY Abdulla" Aygün Akimovanın törətdiyi cinayət əməllərindən xəbərsiz olduğunu da istintaqa deyib və bildirib ki, Akimovadan zərərçəkmiş Afət Hüseynovanı da tanımır: "Aygünün törətdiyi cinayətlər barədə məlumatım yoxdur. Nərgiz deyə müraciət olunan Afət Hüseynovanı da tanımıram".
Abdulla Abdullayev istintaqda sualları cavablandırarkən Aygün Akimovaya öz obyektlərinin nəzarətini tapşırmasını, şirkətinə Aygünün nəzarət etməsini, ona maşın, ev alması haqda deyilənləri də yalanlayıb: "Mən obyektlərimin işləməsini Aygünə həvalə etməmişəm. Rəhbərlik etdiyim şirkətin idarə heyəti olub və bütün vəzifəli şəxslər öz işlərini görüblər. Aygün də bir müddət xadimə olaraq işləyib. Aygünə heç vaxt 90 MD 003 dövlət nömrə nişanlı "Cadillac Escalade" markalı maşın alamamışam. Aygünə sadəcə şirkətdə işlədiyi vaxt 300 manat maaş vermişəm, atası və anasının müalicəsi üçün çox az-az məbləğdə pul vermişəm. Aygünə mənzil almağım haqda deyilənlər də yalandır. Bildiyimə görə Aygün ailəsi ilə Sumqayıtda kirayədə yaşayıb".
Qeyd edək ki, Aygün Akimova Cinayət məcəlləsinin 178.3.2 (dələduzluq, külli miqdarda olduqda) və 178.2.1-ci (qabaqcadan əlbir olan bir qrup şəxs tərəfindən törədildikdə) maddələri ilə təqsirli bilinir.


Sonxeber.az Telegramda izləyin instagramda izləyin
Hadisə   Baxılıb: 3498   Tarix: 20 aprel 2017  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Göytəpə su anbarı 10 ildən sonra ilk dəfə tam dolub

Cəlilabad rayonunda yerləşən Göytəpə su anbarı tam su ilə dolub. Rayon sakinlərinin "Report"un yerli bürosuna verdiyi məlumata görə, son günlər intensiv yağıntılar nəticəsində anbarda belə bir vəziyyət yaranıb. Onların bildirdiyinə görə, sonuncu dəfə anbarda bu qədər su kütləsi 2014-cü ild

24 mart
.

Ağstafada maşın aşdı, üç gənc yaralandı

Ağstafada yol-nəqliyyat hadisəsi baş verib. "Qafqazinfo" xəbər verir ki, hadisə rayonun Qıraq Kəsəmən kəndində qeydə alınıb. Minik maşınının yoldan çıxaraq aşması nəticəsində avtomobildə olanlar - 2005-ci il təvəllüdlü Əhmədli Aqşin Habil oğlu, Əhmədli Həsən Gülağa oğlu və 2005-ci il təvəllüdl

26 mart
.

Qərbi Azərbaycan Xronikası: Ermənilər görkəmli cərrahımızın qardaşını öldürüb meyitini ata bağlayıblar - VİDEO

Qərbi Azərbaycan Xronikası layihəsi çərçivəsində sənətşünaslıq üzrə fəlsəfə doktoru Fəxriyyə Liliparın təqdimatında "Qardaşının amansızlıqla qətli Mustafa bəy Topçubaşovun İrəvandan köçməsinə səbəb oldu" adlı süjet hazırlanıb. xəbər verir ki, verilişdə görkəmli cərrah-alim, ictimai və dövlə

24 mart
.

"Crocus"da ölənlərdən biri TANINMIŞ İMİŞ - FOTO

Martın 22-si "Crocus City Hall" konsert zalında baş vermiş terror aktı zamanı "Miss Tver 2001" titulunun qalibi Yekaterina Novoselova həlak olub. qafqazinfo-ya istinadən xəbər verir ki, bu barədə " onun yaxınlarına istinadən məlumat yayıb. 42 yaşlı Novoselovanın adı Moskva vilayətini

24 mart
.

Terrorçuların daha bir vəhşiliyi: Hadisə yerindən qaçarkən avtomobilli qəsdən uşağın üstünə sürüblər

"Crocus City Hall"da terror aktını törədən şəxslər hadisədən dərhal sonra oradan uzaqlaşarkən idarə etdiyi avtomobillə uşaq vurublar. Bu barədə qəza nəticəsində yaralanan və hazırda reanimasiyada olan oğlan uşağının anası məlumat verib. Qadın bildirib ki, terrorçular ağ rəngli "Renault"

23 mart
.

"Crocus City Hall"da yalın əllə terrorçunu zərərsizləşdirən şəxs danışdı

Moskvada, "Crocus City Hall"da hücumu həyata keçirənlərdən birini yalın əlləri ilə zərərsizləşdirən şəxs konsert zalında baş verənlərdən danışıb. O qeyd edib ki, hadisə vaxtı "Crocus City Hall"da həyat yoldaşı ilə birgə olub. "Mən həyat yoldaşıma baxdım və onun gözlərindəki dəhşət

23 mart
.

Bakıda avtomobildən oğurluq edən şəxslər saxlanılıb

Bakıda avtomobildən oğurluq edən şəxslər saxlanılıb. Bu barədə -a DİN-in Mətbuat xidmətindən məlumat verilib. Belə ki, Binəqədi RPİ 43-cü Polis Bölməsi əməkdaşlarının keçirdikləri tədbirlərlə martın 21-nə keçən gecə Binəqədi qəsəbəsi ərazisində "Mercedes" markalı avtomobildən maqnitofon, akkumulyato

24 mart
.

Azərbaycanda ZƏLZƏLƏ OLDU

Siyəzəndə 3 bal gücündə zəlzələ olub. xəbər verir ki, bu barədə AMEA nəzdində Seysmoloji Xidmət Mərkəzinin Zəlzələlərin Tədqiqatı Bürosu xəbər yayıb. Məlumata görə, yeraltı təkanlar yerli vaxtla saat 4:47-də Siyəzən stansiyasından 220 kilometr şərqdə qeydə alınıb. Zəlzələnin ocağı 28 kilometr dərinlikd

24 mart
.

Naxçıvan-Sədərək magistralında yol-nəqliyyat hadisəsi olub, 3 nəfər xəsarət alıb

Naxçıvan-Sədərək magistralında yol-nəqliyyat hadisəsi olub, 3 nəfər xəsarət alıb. "Report"un yerli bürosu xəbər verir ki, hadisə Şərur rayonunun Püsyan kəndi ərazisində baş verib. Yüksək sürətlə hərəkət edən "Mercedes" markalı minik avtomobili idarəetməni itirərib və yoldan çıxara

24 mart