İrandan Azərbaycana tuşlanan erməni "İsgəndər"ləri

Tehran işğalçı rejimə böyük güzəşt edib

İran tarixində ilk dəfə olaraq ermənilərə Türkiyə səfirliyi qarşısında uydurma erməni soyqırımı ilə bağlı kütləvi aksiya keçirməyə icazə verib.

Səfirliyin qarışısına toplanmış yüzlərlə erməni "Türkiyə faşist dövlətdir", "Ermənilər şəhid oldular" və s. kimi bəyanatlar veriblər.

Tehranın bu addımı Azərbaycan torpaqlarının 20 faizini iştal etmiş, 1 milyona yaxın vətəndaşını məcburi köçkünə çevirmiş, Xocalıda soyqırım təşkil edərək minə yaxın dinc sakini qətlə yetirmiş Ermənistan üçün ciddi dəstək deməkdir.

Nəzərə almaq lazımdır ki, İran əhalisinin 30 faizə qədər azərbaycanlıdır və bu insanlar milli kimliklərini "türk" kimi tanıyırlar, farslar və ermənilər də onları türk kimi qəbul edirlər. Buna görə, İranda türklərin əleyhinə, ermənilərin lehina atılan istənilən addım Qarabağ məsələsində Ermənistana böyük dəstək kimi dəyərləndirilə bilər.
Ümumiyyətlə, erməni KİV-lərini izlədikdə son günlər əksər məqalələrdə İranı Ermənistanın böyük dostu kimi dəyərləndirilir. Məsələn, erməni politoloq Levon Şirinyan bu günlərdə "Lragir"ə verdiyi müsahibəsində İranı ermənilərin "qüdrətli dostu" adlandırıb:

"Ermənistan qəti şəkildə bu formatda görüşdən imtina etməlidir. Minsk qrupunun üç prinsipi Ermənistan üçün ölümcüldür. Bəli, bizim qüdrətli dostumuz İran regionda üçüncü dövlətlərin mövcudluğunun əleyhinədir. İstənilən halda, İranın bəyanatı bizim xeyrimizədir. Biz yorulmadan deməliyik ki, Qarabağ məsələsini həll etmişik. Kim bununla razılaşmır, cavab kimi "İskəndər"ləri alacaq".

Mənbə: istipress

Telegramda izləyin

instagramda izləyin