"Toy olan gündən mən dəyişdim"- Elçin danışdı

"Hər zaman çox gözə girməkdən qaçmışam, xoşlamamışam. Bu, mənim həyat tərzimdə də, sənətimdə də belədir. Ona görə də böyük sənətkarlar mənim haqqımda danışanda deyirlər ki, Elçin hələ özünü göstərməyib. Çoxdandır efirlərdə yoxam. Əvvəl buna tələbat və ehtiyac var idi. Ancaq indi çox görünməyi özümə rəva bilmirəm".

Sonxeber.az Axşam.az-a istinadən xəbər verirki, bu sözləri müğənni Elçin Cəfərov "Şou məkan" verilişindəd eyib.

İfaçı bir çoxlarının onun sakitliyindən istifadə etdiyini deyib:

"Sakit olsam da, hər şeyi çox gözəl görürəm. Ancaq səsimi çıxarmıram. Süni şəkildə yaxınlaşmaq, süni şəkildə gülmək, qucaqlamaq, sən mənim qardaşımsan demək... Belə şeyləri çox yaxşı görürəm, kim ürəkdən deyir, kim ürəksiz deyir. Nəzərə alsınlar ki, qucaqlayanda ürəkdən qucaqlasınlar".

E.Cəfərov ailə qurduqdan sonra xasiyyətində çox şeylərini dəyişdiyini etiraf edib:

"Toy olan gündən mən dəyişdim. Başqa bir həyata başladım. Bu həyatı sevməyə başladım. Artıq subaylığı yaşamışdım. Əylənmişdim, gəzmişdim, doymuşdum. Evə tərəf qaçdım. Şükürlər olsun ki, ailəm hər şeyi normal, mənim istədiyim kimi qəbul etdi. O, mənim sənətimdə, geyimimdə, müsahibəmdə belə mənə dəstək oldu. Hamı elə bilir ki, evlilik ildönümündə ona hədiyyə etmişəm. Ancaq mən hədiyyəni çatdıra bilmədim. İldönümümüzdə gözəl bir dostumuzun toyundaydıq. Ona görə başımız çox qarışıq oldu. Dostumuz toyunu həmin günə salanda dedik ki, bizim bir də həmin gün ildönümümüzdür. Dedi ki, orda qeyd edərsiz, ancaq ödənişlidir. Söhbət hədiyyədən getmir. Söhbət səmimiyyətdən gedir. Gördü ki, başım çox qarışıqdır. Hədiyyə ala bilməmişəm. Sadəcə əlini sıxmağım ona hər şeyi göstərdi".

Yaxın günlərdə ata olacağını vurğulayan Elçin hislərini belə bölüşüb:

"Şükürlər olsun ki, övladımız dünyaya gəlmək ərəfəsindədir. Tamam başqa hisslər yaşayıram. Əvvəl birtəhər gəlirdi ki, görəsən, nə baş verir? Əvvəl adi gəlirdi, ancaq zaman keçdikcə yerişim belə dəyişdi".

Telegramda izləyin

instagramda izləyin