Neft 35 dollara düşərsə manatı nə gözləyir?Sensasion Açıqlama

Neftin yenidən 35 dollara düşəcəyi ilə bağlı proqnozlar bu halda Azərbaycanda dolların yenidən hansı həddə qədər bahalaşa biləcəyi məsələsini gündəmə gətirir. İqtisadçı-ekspertlər hesab edirlər ki, dünya bazarında neft kəskin ucuzlaşarsa, ölkədə dollar 2 manatlıq psixoloji həddi keçəcək.
Ekspert Rəşad Həsənov fins.az-a bildirib ki, may ayının əvvəlində Brend markalı neft 46 dollara qədər ucuzlaşmışdı. OPEC ölkələri arasında razılaşma baş tutmazsa neft qiymətləri yenidən aşağı düşə bilər.

O bildirib ki, neftin hər barelinin 1 dollar ucuzlaşması gün ərzində ölkəyə təxminən 600–650 min dollar az valyuta daxil olması deməkdir.
"Neftin hazırki qiymətini 50 dollar səviyyəsində götürsək, bu, gündəlik 15 dollar ucuzlaşma deməkdir. Sadə hesablama aparsaq, neftin 35 dollara düşəcəyi halda Azərbaycanın neftdən gündəlik gəliri 9 milyon, aylıq gəliri isə 270 milyon dollar azalmış olacaq".
Ekspert bildirir ki, Neft Fondunun konvertasiyalarından da məlum olur ki, Azərbaycan valyuta bazarlarının tələbatı ən yaxşı halda ay ərzində 270–400 milyon dollar təşkil edir. Yəni buna bərabər həcmdə neft gəlirlərinin azalması ilkin olaraq, yəni 2017-ci ildə bazara psixoloji təzyiq göstərəcək:
"Bu ilki büdcə ilə hazırki şərtlər daxilində proseslərə yanaşsaq, 2017-ci ildə neftin qiymətinin ucuzlaşmasının bazara birbaşa təsiri olmayacaq. Sadəcə neft şirkətlərinin gəlirlərinin azalması fonunda dolayısı ilə büdcəyə edəcəkləri ödənişlərin həcmində müəyyən azalmaya gətirib çıxaraca bilər".
2018-ci ildə isə Neft Fondunun büdcəsiniN formalaşdırılması zamanı transferTlərİN həcmində azalmanı şərtləndirə bilər. Bu da valyuta bazarının əsas təminatçısı olan Fondun iştirakçılığını məhdudlaşdırmaqla məzənnənin növbəti ildə daha kəskin şəkildə ucuzlaşmasına gətirib çıxara bilər. Başqa sözlə, neftin 35 dollara düşməsi dolların 2,5 manata bərabər olması deməkdir.

Telegramda izləyin

instagramda izləyin