Faciəvi şəkildə ölən 5 tələbədən - 17 yaşlı Murad görün nə həvəskarı idi... ürəkdağlayan FOTOLAR

Dünən Hacıqabul rayonunda baş vermiş dəhşətli qəzada vəfat edən 5 tələbə ilə bağlı bəzi məqamlar üzə çıxıb.

Bakı-Qazax magistralının 112-ci kilometrliyindəki döngədə aşan "Hyundai Accent" markalı, 99 LD 773 dövlət nömrə nişanlı avtomobildə vıfat edən 5 gəncin hamısı İmişli rayon 5 saylı orta məktəbin məzunları olub. Onlar məktəbi 9-cu sinifdən bitirərək Bakıdakı Maliyyə İqtisad Kollecinə daxil olublar. Bakıda bir yerdə qalan dostlar altıncı-bazar günləri dərs olmadığından rayona ailələrinin yanına yola düşməyə qərar veriblər.
Qəzada ölənlərdən ikisi xalaoğludur. Onlar əslən rayonun Cəfərli kəndindəndir. Artıq vəfat edən tələbələrin hamısı dəfn edilib.

Vəfat edənlər: 1998-ci il təvəllüdlü Hüseynov Elvin Vahid oğlu, 1999-cu il təvəllüdlü Azadlı Əlizamin Fikrət oğlu, Əhmədov Elçin Cahangir oğlu, 2000-ci il təvəllüdlü Süleymanlı Murad Rəfael oğlu və Əmiraslanlı Əmiraslan Müşfiq oğludur. Sükan arxasında Əmiraslanlı Əmiraslan Müşfiq oğludur.

Sonxeber.az-ın əldə etdiyi məlumata görə, 17 yaşlı Murad Süleymanlı daha çox maşın həvəskarı olub. Muradın ürəkdağlayan fotolarını təqdim edirik:

Məryəm

Telegramda izləyin

instagramda izləyin