Hər kəsin gəlişini gözlədiyi Merayya Keri - məşhur jurnalisti Bakıda rəzil etdi - FOTO

Amerikalı müğənni, 47 yaşlı Merayya Keri Bakıdakı konsertindən sonra belə deyib.

M.Keri beynəlxalq "Formula-1" avtoçempionatının Azərbaycan Qran-Prisinin əsas yarışı başa çatandan sonra Bakıda, "Formula-1" şəhərciyində konsert vermişdi.

5 oktavalı vokal diapazona məxsus amerikalı müğənni Bakıya 6 yaşlı əkiz övladlarını - Monro və Marokkonu da gətirmişdi.

Dünən əsas yarış başlamazdan əvvəl M.Kerri "Red Bull Racing" komandasının pilotları, avstraliyalı Deniel Rikkiardo və hollandiyalı Maks Verstappenlə görüşüb.

Bu arada Sky Sports-un reportyoru Martin Brandl müsahibə almaq üçün müğənniyə yaxınlaşsa da, M.Kerri rədd cavabı verib.

O, "Formula-1" radiostansiyasının aparıcısını da pərt edib.

Aparıcı müğənnidən açıqlama almaq istəsə də, niyyəti puç olub. Pərt olmuş aparıcı efirdə deyib: "Hə, nə etməli, bu, mənim həyatımı korlayan əhvalat deyil. Ümid edirəm ki, sizə də pis təsir etməz. Ondan bir-iki suala cavab almaq istəyirdim. İndiyədək Merayya ilə görüşməsəm də, onun mahnılarını sevirəm. Amma nə etməli, gəlin başqa musiqiyə qulaq asaq. Himni dinləyək".

Daha sonra M.Keri "Mercedes AMG Petronas" komandasının pilotu Lüis Hemiltonla söhbətləşib.

Bakıya gəlməzdən əvvəl Merayya Kerri Parisdə idi./milli.az

Telegramda izləyin

instagramda izləyin