"Qəbələ" futbol klubunda yeni təyinat gerçəkləşib

"Qəbələ" futbol klubunda yeni təyinat gerçəkləşib.

Sonxeber.az - ın Azərtac - a istinadən verdiyi məlumata görə, Elmar Baxşıyev əvəzedicilərdən ibarət komandanın baş məşqçisi təyin olunub. O, 2015-ci ildən məşqçi kimi çalışdığı bu komandaya rəhbərlik edəcək.

Futbolçu kimi "Şəfa" (1997-1999-cu il), "İnter" (1999-2007-ci il), "Xəzər-Lənkəran" (2007-2008-ci il), "Neftçi"nin (2008-2011-ci il) şərəfini qoruyan E.Baxşıyev karyerasını "Qəbələ"də (2012-2013-cü il) başa vurub.

Azərbaycan çempionatlarında ən çox oyun keçirən 50 futbolçu arasında yer alan yarımmüdafiəçi 268 matçda 9 qol vurub. O, "Qəbələ"də hamısı çempionatda olmaqla 28 oyun keçirib. 2004-2009-cu illərdə Azərbaycan milli komandasının şərəfini qoruyan E.Baxşıyev yığmada 32 görüşdə iştirak edib. Futbolçu karyerasını bitirdikdən sonra məşqçilik fəaliyyətinə başlayan çalışdırıcının ilk iş yeri "Neftçi"nin U-19 komandası olub.

Telegramda izləyin

instagramda izləyin