Prezidentin işdən çıxardığı generalla bağlı ŞOK

Prezident İlham Əliyevin sərəncamı ilə Səfərbərlik və Hərbi Xidmətə Çağırış üzrə Dövlət Xidməti rəisinin müavini vəzifəsindən azad olunan general-mayor Novruzəli Orucovla bağlı maraqlı məlumat əldə etmişik.

N.Orucov Əziz Talıbovun müəllifi olduğu və Azərbaycanda sürücülük vəsiqəsi almaq istəyən hər kəsin üz tutduğu "Yol hərəkətinin təşkili və "Hərəkət təhlükəsizliyinin əsasları" kitabına rəy yazıb.

Sözügedən kitabda idarəetmə hüququna dair tələblər, yol hərəkəti qaydaları, təhlükəsizlik və digər anlayışlar əksini tapıb.

Lakin ironikdir ki, yol hərəkətinin təhlükəsizliyi ilə bağlı kitaba rəy yazan general vəzifəsini məhz avtoxuliqan oğluna görə itirib. Belə ki, onun oğlu Rüstəm Orucov 2014-cü ildə piyadanı vuraraq hadisə yerindən qaçdığına görə 4 il azadlıqdan məhrum edilib.

Cəza müddətinin 1/3 hissəsini çəkdiyinə görə R.Orucov 2016-cı ildə vaxtından əvvəl şərti azadlığa çıxıb.

General oğlu bu il iyulun 3-də 10-OG-300 nömrəli, BMW markalı avtomobili idarə edərkən yol hərəkəti qaydalarını pozub. Bu zaman avtobusun sürücüsü Sənan Səmədov ona irad bildirib. Rüstəm Orucov avtobus sürücüsünün iradına cavab olaraq onu döyüb.

İyulun 4-də Binəqədi Rayon Polis İdarəsi R.Orucov barəsində Cinayət Məcəlləsinin 221.2.1 maddəsi üzrə cinayət işi açıb. Məhkəmənin qərarı ilə o, həbs olunub.

Qeyd edək ki, Prezident İlham Əliyevin iyulun 11-də imzaladığı sərəncamla N. Orucov Səfərbərlik və Hərbi Xidmətə Çağırış üzrə Dövlət Xidməti rəisinin həqiqi hərbi xidmətə çağırış üzrə müavini – Həqiqi hərbi xidmətə çağırış baş idarəsinin rəisi vəzifəsindən azad edilib.

Mənbə: A24.az

Telegramda izləyin

instagramda izləyin