Azərbaycanın bir addımlığındakı raket dünyanı qorxuya saldı
ABŞ izahat istədi, prezident cavabını verdi
Azərbaycanın ən yaxın iki qonşusu arasında raket sövdələşməsi ABŞ-ı narahat edib. İstiPress-in məlumatına görə, söhbət Türkiyənin Rusiyadan almaq istədiyi S-400 kompleksindən gedir.
ABŞ-ın Müdafiə Nazirliyində hesab edirlər ki, Türkiyə rus istehsalı olan ən güclü raket kompleksini almasındakı niyyəti barədə açıqlama verməlidir. Bu barədə ötən gün keçirilən brifinqdə Pentaqonun nümayəndəsi, qərəgah rəisi Ceff Devis məlumat verib. "Türkiyə bizim NATO-da tərəfdaşımızdır və S-400 almaq istəyini izah etməlidir".
Buna baxmayaraq bir neçə gün öncə isə Pentaqon rəhbəri Ceyms Mettis Türkiyənin adıçəkilən kompleksi almaq istəməsini onun suveren qərarı adlandırmışdı.
Türkiyə 2016-cı ildən Rusiya istehsalı olan S-400-lə yaxından maraqlanmağa başlayıb. Bu il isə alış haqqında ən yüksək səviyyədə, o cümlədən prezidentlər Vladimir Putin və Rəcəb Tayyib Ərdoğan arasında danışıqlar aparılıb.
Türkiyənin prezidenti ABŞ-ın izahat tələbini cavabsız qoymayıb. Bu tələbdən təəccüblənən Ərdoğan Körfəz ölkələrindən qayıdarkən hava limanında mətbuat konfransı keçirib.
O, jurnalistlərin Pentaqon nümayaəndəsinin açıqlamaları ilə bağlı sualına belə cavab verib. "Niyə narahatalıq doğurmalıdır? Hər ölkə öz təhlükəsizliyi üçün tədbir görməlidir. Və bu tədbirləri haradan təmin etmək olarsa ora doğru addım atılacaq. Dəfələrlə Amerika ilə danışıqlar apardıq. Təəssüf ki, bunları təmin edə bilmədiyimiz üçün, istər-istəməz S-400-lərlə bağlı plan qurduq və görüşdük. Və addım atacağıq..."
Ərdoğan deyib ki, alışla bağlı heç bir narahatçılıq verən məqam yoxdur. "Fərqli silahlardan istifadə narahatalıq doğurmur, S-400-dən istifadə doğurur. Bu necə ola bilər?".
O, Rusiya ilə danışıqların da artıq yekunlaşdığını deyib.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş