Məhkəmə qalmaqal - "Onun qardaşı nazir, qudası isə baş prokurorun müavinidir..."

Məhkəmə qalmaqal - "Onun qardaşı nazir, qudası isə baş prokurorun müavinidir..."Müdafiə sənayesi naziri Yavər Camalovun qardaşı Əlikram Camalova qarşı dələduzluq etməkdə təqsirləndirilən Samir Nəbiyevin cinayət işi üzrə növbəti məhkəmə iclası keçirilib. Məhkəmə Samir Nəbiyevə son sözü verib və avqustun 11-də ona hökm oxunacağı gözlənilir.

Sonxeber.az Musavat.com-a istinadən xəbər verir ki, Bakı Ağır Cinayətlər Məhkəməsinə hakim Şəkər Məmmədovanın sədrliyi ilə keçirilən prosesdə təqsirləndirilən şəxsin vəkili Ceyhun Yusifov çıxışı edib. Vəkil bildirib ki, hüquqlarını müdafiə etdiyi şəxsə qarşı irəli sürülmüş ittiham əsasızdır.

C.Yusifov müdafiə çıxışında Samir Nəbiyev barəsində bəraət hökmünün çıxarılmasını isəyib: "Çıxışımda dedim ki, hörmətli məhkəmə Əlikram Camalovdan çəkinir. Çünki onun qardaşı nazirdir, qudası isə baş prokurorun müavinidir. Biz də başa düşürük ki, bunlar çəkindirici əlamətlərdir. Biz dəfələrlə çalışdıq ki, məsələni razılıqla həll edək. Amma alınmadı, qarşı tərəf razılaşmadı.

Əlikram Camalov özü məhkəməyə gəlib dedi ki, həmin pulu Samir Nəbiyevə borc verib. Amma bu borc deyil, faizdir. İttihamda yazılır ki, guya Samir Nəbiyev Əlikram Camalovu aldadıb və ona aylıq 2 min manat gəlir verəcəyini deyib. Ancaq gəlir heç vaxt dəqiq müəyyənləşdirilə bilməz. Gəliri müəyyənləşdirən bazardır. Kimsə aylıq gəlirinin, qazancının stabil olaraq 2 min manat olacağını deyə bilməz. Bazarı, gəliri müəyyənləşdirən müştəridir, keyfiyyətdir. Ticarətdə gəlir mövsümlə də dəyişir. Belə olan halda bir adam necə müəyyən edə bilər ki, aylıq stabil gəliri olacaq və bundan 2 min manat əlavə qazancını başqasına verəcək?"

Nazir qardaşının ölkədəki ən tanınmış sahibkarlardan olduğunu deyən vəkil əlavə edib ki, müdafiə etdiyi şəxsin onunla şərik olması haqda deyilənlər yalandır: "Əlikram Camalov ölkənin ən böyük sahibkarlarından biridir. Samir Nəbiyev isə acından ölənin biridir. Bunlar necə şərik ola bilər? Sizcə, bu nə qədər inandırıcıdır? Nazir qardaşı, sahibkar gəlib belə bir adamla şərik olar? Biz deyirik ki, bu pul sələmə verilib və həqiqətən də belədir. Amma Əlikram Camalov deyir ki, pulu faizə yox, borca verib.

İndi isə sual olunur ki, borcda hansı ictimai təhlükəli əməl var? Nazir qardaşından borc almaq təqsirləndirilən şəxsin əməlini ictimai təhlükəli əməl edir? Bunun adı nədir? Belə araşdırma olmur və buna görə də adam tutulmur. Ölkə rəhbərliyinin məmurların özbaşınalığı ilə bağlı mütəmadi tədbirləri var. Bilirsiniz ki, prokuror Samirə 10 il cəza istəyib. Himayəsində iki azyaşlı uşağı olan birinin 10 il müddətinə azadlıqdan məhrum edilməsi nə deməkdir? Həyat yoldaşı xəstədir. Onun geyimi, həyat tərzi sübut edir ki, bu adam imkansızdır. Əlikram ölkənin ən tanınmış iş adamlarından biridir. Gündəlik lampa satanın nazir qardaşı ilə nə şərikliyi ola bilər?

Əlikram Camalov isə açıq şəkildə deyir ki, Samir ailəsi ilə birlikdə gəlib onun qapısında 3 il kölə kimi işləsin. Bu sözləri şəxsən mənə deyib. İyirmi birinci əsrdə köləlikmi var?".

Vəkil nazir Yavər Camalova da müraciət edib: "Biz məhkəmədən bəraət hökmü çıxarmasını istəyirik. Hakim məhkəmə istintaqının təzələnməsini təmin etmədi. Biz hakimə etiraz etdik ki, onlar Camalovu himayə edirlər. Buradan Yavər Camalova da səslənirik. Kiminsə "sağ ol"unu qazanmaq üçün bir nəfərin şərlənərək həbs edilməsinə göz yumulmasın. Əlikram Camalovun onlarla qurbanı var, biri də bu olacaq".

Vəkilin müdafiə çıxışından sonra söz Samir Nəbiyevə verilib. O, son söz üçün məhkəmədən vaxt istəyib. Məhkəmə prosesi avqustun 11-nə təyin edilib. Samir Nəbiyevə son sözdən sonra hökm oxunacaq.

Bildirək ki, prokuror Samir Nəbiyevin 9 il müddətinə azadlıqdan məhrum edilməsini istəyib.

Qeyd edək ki, S.Nəbiyev Müdafiə Sənayesi Naziri Yavər Camalovun qardaşı Əlikram Camalova birgə biznes qurmaq təklifi edib.

S.Nəbiyev Cinayət Məcəlləsinin 178.3.2-ci (dələduzluq; külli miqdarda törədildikdə) maddəsi ilə ittiham olunur.

İttihama görə, S.Nəbiyev Ə.Camalovdan icarəyə götürüb işlətdiyi Nəsimi rayonu, Ceyhun Hacıbəyli küçəsində yerləşən "Brend Elektrik" elektrik avadanlıqları satışı mağazasına yatırım etməyi təklif edib. Qazancı isə yarı böləcəklərmiş.

Ə.Camalov onunla razılaşıb və Nərimanov rayonu, Ağa Nemətulla küçəsində yerləşən ofisdə S.Nəbiyevə 2015-ci il noyabrın 3-də 18 min manat, 2016-cı il fevralın 1-də isə 3 min 993 manat (2500 dollar) pul verib. Ancaq S.Nəbiyevin devalvasiyadan sonra biznesi iflasa uğrayıb və şərikinin pulunu qaytara bilməyib.

Bildirək ki, nazir qardaşı Əlikram Camalov "Hacı Camalxan" kəndli fermer təsərrüfatının təsisçisi və sahibidir.


Sonxeber.az Telegramda izləyin instagramda izləyin
Siyasət   Baxılıb: 2224   Tarix: 10 avqust 2017  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Türkiyə səfirindən Bakının azad olunması ilə bağlı PAYLAŞIM

Türkiyə Respublikasının ölkəmizdəki fövqəladə və səlahiyyətli səfiri Cahid Bağcı Bakının bolşevik və erməni quldur dəstələrinin işğalından azad edilməsinin ildönümü ilə bağlı paylaşım edib. "Bu gün Bakının bolşevik və erməni quldur dəstələrinin işğalından azad edilməsinin 103-cü ildönümüdür. B

15 sentyabr 2021
.

Mehriban Əliyevadan Füzuli Beynəlxalq Hava Limanı ilə bağlı paylaşım

Azərbaycan Respublikasının Birinci vitse-prezidenti Mehriban Əliyeva Prezident İlham Əliyevlə birlikdə Füzuli Beynəlxalq Hava Limanında görülən işlərlə tanışlıqla bağlı paylaşım edib. xəbər verir ki, Birinci vitse-prezident bu barədə özünün instaqram səhifəsində fotolar paylaşıb. "Prezident İlha

29 avqust 2021
.

"Onlar sülhməramlı deyil, "erməniməramlı"dır" - Deputatdan SƏRT AÇIQLAMA

Xəbər verdiyimiz kimi, ötən gün Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev BBC-yə müsahibəsində bildirib ki, Qarabağda Rusiya sülhməramlılarının mandatı ilə bağlı əlavə hüquqi mexanizmlər məsələsi barədə tərəflər arasınd

6 sentyabr 2021
.

Paşinyanın arvadı haqda sensasion məlumat yayıldı

Erməni mənbələri xəbər verir ki, 44 günlük müharibənin ilk günlərində Nikol Paşinyanın xanımı Anna Akopyan Rusiyanın əleyhinə sərt fikirlər səsləndirib. Baş nazirin xanımı bildirib ki, "əsrlər boyu özünü bizə müttəfiq kimi sırıyan Rusiya əslində heç də bizim müttəfiq və tərəfdaşımız deyil"

9 sentyabr 2021
.

Kremldən Bakıya xoş olmayan mesaj - Rusiya generalı niyə İrəvana göndərdi?

"Rüstəm Muradov hardan bilir ki, Rusiya hərbçiləri 5 ildən sonra da Qarabağda qalacaqlar? Axı bu onun səlahiyyətinə aid olmayan məsələdir". -ın məlumatına görə, bunu -a açıqlamasında "Atlas" Araşdırmalar Mərkəzinin rəhbəri Elxan Şahinoğlu deyib. Politoloq bildirib ki, Kosobokovu

10 sentyabr 2021
.

Prezident siyasi partiyaların ofisləri ilə bağlı göstəriş verdi

Prezident İlham Əliyevin göstərişi ilə doqquz siyasi partiyanın ofisinin yerləşdiyi Azadlıq prospekti, 160B ünvanındakı binanın həyəti Baki Şəhər İcra Hakimiyyəti tərəfindən abadlaşdırılır. Bu barədə -a siyasi partiyalardan məlumat daxil olub. Məlumata görə, qeyd edilən ünvanda aparılan abadlıq işlər

4 sentyabr 2021
.

İran Qarabağa yenə qanunsuz yük daşıyır - VİDEO

Cari ilin avqustunda Azərbaycan tərəfi İrana məxsus yük maşınlarının rəsmi Bakının icazəsi olmadan Rusiya sülhməramlılarının müvəqqəti məsuliyyət zonasına qanunsuz keçməsi barədə məlumat əldə etmişdi. Belə ki, 11 iyul-8 avqust tarixlərində İrana məxsus 35 maşın ( 4 yük maşını, 31 yanacaq tankeri) 7

11 sentyabr 2021
.

Qazaxıstanın parlament nümayəndələri Şuşa və Füzuliyə səfər edib

Sentyabrın 12-də ölkəmizdə səfərdə olan Qazaxıstan Parlamenti Məclisinin Beynəlxalq əlaqələr, müdafiə və təhlükəsizlik komitəsinin sədri Aygül Kuspanın başçılıq etdiyi parlament nümayəndə heyəti Şuşa və Füzuli şəhərlərində olub. Bu barədə -a Milli Məclisin Mətbuat və İctimaiyyətlə Əlaqələr Şöbəsində

12 sentyabr 2021
.

Rüstəm Muradov nə ilə yadda qaldı? - Deputatdan AÇIQLAMA

Xəbər verdiyimiz kimi, ötən gün Azərbaycanın Qarabağ bölgəsində müvəqqəti yerləşən Rusiya sülhməramlı qüvvələrinin komandanı olan general-leytenant Rüstəm Muradov xidməti vəzifəsini başa çatdırdı. Hələ may ayından söyləntilər gəzirdi ki, onun yerinə general-mayor Aleksey Avdeyev gətiriləcək. Lakin a

7 sentyabr 2021