Təcili! Ermənilər Azərbaycanın bu silahından qorxub qaçırlar

Ermənistan ordusunu sarmış vahimə erməni mətbuatında

Erməni şəhrçilər Dağlıq Qarabağı işğal etmiş hərbi birləşmələrdə xidmət edən Ermənistan əsgərləri arasında başlamış vahimənin sirrini açıblar.
Erməni ekspertləri vahiməyə salan əsas səbəb Rusiyanın Azərbaycana verdiyi "Solntsepek" yaylım atəşi sistemlərinin vasitəsi ilə Azərbaycan ordusunun həddindən artıq güclənməsidir.

Məsələ o qədər ciddiləşib ki, Ermənistanda populyar olan "Lragir" portalının baş redaktoru Haykazn Qaqriyan xüsusi məqalə yazıb və Qarabağda gözlənən vəziyyətlə bağlı erməni ekspertlərin rəylərinin bir növ reytinq sırasını düzüb. İlk sırada yer alan fikrə görə, Azərbaycan informasiya müharibəsi hesabına Qarabağda ciddi hücumlara başlamaq üçün hüquqi baza yaradır.

Onun fikrincə, adi mərmilərdən iki dəfə uzaq məsafəyə gedən bu raketlərin Suriya müharibəsində nümayiş etdirdiyi nəticələri Rusiya tərəfi böyük ehtimalla Azərbaycana təqdim edib.

"Görünür, bu silahlar balansı yenidən dəyişiblər, çünki onların gətirilməsindən sonra xəbər gəldi ki, erməni tərəfi silah üçün yeni kreditlər bağlı Rusiya ilə danışıqlara başlayıb",- deyə həmiş Ermənistan ordusunun gücündən yalan-gerçək nağıllar uyduran portalın redaktoru etiraf etməli olub.

Avqustun əvvəlindən 10-a yaxın erməni hərbçi Qarabağda qoşunların təmas xəttinidə hərbi mövqeləri qoyub qaçıblar. Məsələn, Xocavənd rayonu ərazisində yerləşən Ermənistan silahlı qüvvələrinin hərbi hissəsində Q.Piriposyan adlı hərbi qulluqçu avqustun 4-də hərbi hissəni özbaşına tərk edib. Avqustun 6-da isə eyni vaxtda Madagiz ərazisində yerləşən hərbi hissələrdə Ermənistan ordusunun 4 hərbi qulluqçusu - Sergey Mardanyan, Sagir Avakyan və İvan Vanesyan hərbi hissəni özbaşına tərk ediblər. Həmçinin Füzuli rayonu ərazisində yerləşən Ermənistan ordusunun bölmələrindən birində avqustun 7-də gecə saatlarında bölük komandiri Xalatyan döyüş mövqeyini özbaşına tərk edərək gedib. Həmçinin, Hadrut rayonu ərazisində işğalçı ordunun artilleriya divizionunda yuxarı komandanlıq tərəfindən qəfil yoxlama keçirilərkən 3 hərbi qulluqçunun yerində olmadığı aşkarlanıb.

Ciddi nəzarət altında olan işğal bölgəsində baş verən bu fərarilik halları Ermənistan rəhbərliyini qorxudur. Ərazidə Ermənistan ordusunun 15-20 min nəfərlik əsas hissəsi dislokasiya edir. Əgər həmin hissələrdə fərarilik kütləvi hal alarsa, bu, Ermənistan üçün ciddi problemə çevriləcək. Çünki onların yerini dolduracaq qüvvə yoxdur. Hər il Ermənistanda çağırış yaşına 10 minə qədər oğlan çatır və onların 7-8 mini Qarabağa yola salınır. Ermənistanda isə az sayda sərhəd qoşunları qalır ki, onlar da Azərbaycan sərhəddinə yerləşdirilir. Qarbağda başlanan fərarilik həm də Ermənistan ordusunun real gücünün rəsmi sənədlərdə bəyan ediləndən 3-4 dəfə aşağı olduğunu ortaya çıxarır.

Təsadüfi deyil ki, "Global Firepower" indeksinə görə, Ermənistan ordusu gücünə görə dünya üzrə 93-cü, Azərbaycan ordusunun isə 58-cidir. Halbuki, rəsmi göstəricilərə görə, Ermənistan ordusu bütün parametrlərə görə Azərbaycan ordusu ilə ayaqlaşır. Yəni ermənilərin balans barədə dedikləriəslində boş əfsanədir. 2016-cı ildə baş vermiş aprel döyüşləri bunu sübut elədi.

Mənbə: istipress

Telegramda izləyin

instagramda izləyin