İdmançılarımız OTELDƏN QOVULMAQLARINDAN DANIŞDI: "Azərbaycanlılara söz atdılar, biz də..."

Türkiyənin Antaliya şəhərinə yollanan bir qrup azərbaycanlının dincəlmək istədikləri "Sirene Belek" otelindən qovulması ilə bağlı xəbər vermişdik.

Bu barədə Yenicag.az-a sözügedən məkanda hadisənin şahidi olan turist xəbər verib. Onun sözlərinə görə, qovulanlar arasında MMA döyüş növü ilə məşğul olan Gündüz Nəbiyev, universal döyüş növü üzrə dünya çempionu Sənan Dünyamalıyev, kikboksçu Orxan Məlikov, qarışıq döyüş növləri üzrə dünya çempionu Etiqat Atakişiyev və güləşçi Turxan Qurbanovun olduğu da məqalədə öz əksini tapmışdı.

Məqaləni dərc etdikdən sonra BiG.AZ-la əlaqə saxlayan sözügedən idmançılar hadisəni təkzib etdilər və əslində mübahisənin başqa məsələyə görə baş verdiyini, oteldən qovulma məsələsinin isə həqiqətdən kənar olduğunu bildirdilər: "Məqalənin dərc olunması ümumilikdə Federasiyanı narahat elədi. Çünki bu məsələ tamamilə reallıqdan kənardır. Biz orda tam başqa bir şeyə görə mübahisə etmişdik. Orada Türkiyə polisləri azərbaycanlı bir ailəyə qarşı haqsızlıq etdi ivə vətəndaşımıza səsini qaldırdı. Orada mübahisə yarandıqda isə biz həmyerlimizi tək qoymadıq. Onlara yaxınlaşdıq. Bir az mübahisə böyüdükdən sonra polislərin komandiri yaxınlaşdı. Bir müddət sonra mübahisə sakitləşdi və hər kəs aralaşdı. Biz də istirahətimizə davam etdik. Yəni heç kim bizi oteldən qovmayıb, belə bir hadisə yaşanmayıb. Kiçicik bir mübahisə idi o da həll olundu. Xahiş edirik ki, biz idmançıların və federasiyanın narahatlığını nəzərə alaraq yaşanmış bu həqiqəti izləyicilərinizə çatdırasınız ki, anlaşılmazlıq yaranmasın. Sizə də təşəkkürümüzü bildiririk".

Telegramda izləyin

instagramda izləyin