Cəbhədə erməni təxribatı

Erməni qoşunları cəbhə bölgəsində növbəti dəfə atəşkəsi pozub.

Erməni silahlı qüvvələri atəşkəsi pozmaqda davam edir.

Sonxeber.az-ın Müdafiə Nazirliyinə istinadla verdiyi məlumata görə, erməni silahlı bölmələri cəbhənin müxtəlif istiqamətlərində 60 və 82 mm. minaatanlardan, iriçaplı pulemyotlardan da istifadə etməklə sutka ərzində atəkəs rejimini ümumilikdə 88 dəfə pozub.

Goranboy rayonunun Talış, Tərtər rayonunun Çiləbürt, Göyarx, Ağdam rayonunun Şıxlar, Şuraabad, Sarıcalı, Cəvahirli, Yusifcanlı, Mərzili, Kəngərli, Şirvanlı, Qaraqaşlı, Nəmirli, Xocavənd rayonunun Kuropatkino, Füzuli rayonunun Qaraxanbəyli, Qorqan, Horadiz, Aşağı Seyidəhmədli, Cəbrayıl rayonunun Mehdili kəndləri yaxınlığında, həmçinin Göygöl , Goranboy, Xocavənd, Füzuli və Cəbrayıl rayonlarının ərazisindəki adsız yüksəkliklərdə yerləşən mövqelərdən Silahlı Qüvvələrimizin mövqeləri atəşə tutulub.

Düşmən cavab atəşi ilə susdurulub.

Qeyd edək ki, ermənilər 1994-cü il mayın 12-də Bişkek şəhərində Azərbaycan və Ermənistan hakimiyyətləri tərəfindən imzalanan Atəkəs rejimini hər gün pozur.

Son günlər ərzində cəbhədə atəşkəsin pozulması intensiz hal alıb. Ermənilər cəbhəboyu mövqelərimizi iriçaplı silahlardan atəşə məruz qoyublar.

Telegramda izləyin