Azərbaycanda hər kəs həyəcanla bu gün saat 20:05-i GÖZLƏYİR

Bu gün Ayın Yerə yaxınlaşması hadisəsi qeydə alınacaq.

"Sentyabrın 13-də Azərbaycanda Ayın Yer kürəsinə yaxınlaşaması hadisəsi baş verəcək".
Bu barədə Azərbaycan Milli Elmlər Akademiyasının (AMEA) Şamaxı Astrofizika Rəsədxanasının direktor müavini Xıdır Mikayılov Sonxeber.az-a açıqlamasında məlumat verib.

Onun sözlərinə görə, Ayın Yer kürəsinə yaxınlaşması prosesi sentyabrın 13-də adi qaydada Yerdən 369 min 855 km məsafədə olacaq. Lakin super ay dövründə 556 min 565 metr məsafədə olur. 2018-ci il yanvarın 1-də super ay baş verəcək. Yəni, Ay Yerin ətrafında dövr edir. Onun yaxın nöqtələri qiymətlərini dəyişir. Həmişə eyni məsafədə olmur. İldə bir dəfə ən yaxın məsafədə olur. Bu isə 2018-ci il yanvarın 1-ə təsadüf edəcək. 556 min 565 km məsafə ilə super ay baş verəcək".

X.Mikayılov bildirib ki, Ayın Yerə yaxın nöqtəsi isə sentyabr ayının 13-də 369 min 855 km məsafə ilə baş verəcək. Bu yaxınlaşma saat 20.05 –də müşahidə olunacaq. Bu gecə 00:30-dan 4:00-a qədər ciddi şüalanma nəticəsində sosial şəbəkələrdə əhaliyə xəbərdarlıq edilməsi haqda xəbərlər isə tamamilə əsasızdır. Ayın şüalanması hadisəsi qeyri-mümkündür"

Telegramda izləyin

instagramda izləyin