Ölkə bu xəbərlə sarsıldı - O haqqın rəhmətinə qovuşdu

Ölkə bu xəbərlə sarsıldı - O haqqın rəhmətinə qovuşduDünən ABŞ-ın Nyu-Cersi ştatında məşhur aktyor, "dünyanın ən məşhur qanqsteri" kimi tanınan amerikalı Frenk Vinsent vəfat edib.

78 yaşlı F.Vinsent rejissor Devid Çeyzin "The Sopranos" serialında və Martin Skorsezenin filmlərindəki rollarından sonra məşhurlaşmışdı.

Ötən həftə ürəktutma diaqnozu ilə xəstəxanaya yerləşdirilmiş F.Vinsent cərrahiyyə əməliyyatına məruz qalmışdı.

O, əməliyyatdan sonra vəziyyətinin ağırlaşmasından dolayı keçinib.

Karyerasına musiqiçi kimi başlayan Frenk Vinsent Qattuzonun kinematoqrafda ilk rolu dostu Co Peşi ilə birlikdə 1976-cı ildə çəkilmiş "The Death Collector" filmində Berni Feldsaş obrazı oldu.

Bu filmdən sonra Frenki məşhur aktyoru Robert de Niro və rejissor Martin Skorseze gördülər.

Onların əməkdaşlığı və dostluğu 1980-ci ildə "Raging Bull", 1990-cı ildə "Goodfellas", 1995-ci ildə "Casino" kimi şedevrlərlə sonuclandı.

Məhz bu filmlərdəki rollarından sonra Frenk Vinsenti "dünyanın ən məşhur qanqsteri" kimi tanımağa başladılar.

Onun ən məşhur rolu isə ABŞ-ın HBO telekanalında nümayiş olunmuş "The Sopranos" kriminal-dramatik serialındakı Nyu-York mafiozisi Fil Leotardor roludur.

Frenk Vinsent karyerası boyu 40 film və serialda çəkilib.

Məşhur aktyor habelə "Grand Theft Auto 3", "GTA San Andreas" və "GTA Liberty City Stories" kompüter oyunlarında da mafiya bossu Salvatore Leone obrazı yaradıb.

Aktyor 2006-cı ildə "A Guy's Guide to Being a Man's Man" adlı ilk kitabını çap etdirib.

Mənbə: Milli.Az

Hadisə   Baxılıb: 3397   Tarix: 14 sentyabr 2017  
Facebookda Paylaş




DİGƏR MARAQLI XƏBƏRLƏR