İsmayıllının icra başçısı jurnalistlərlə GÖRÜŞDÜ: "Qorumalarım yoxdu, bazara özüm gedirəm" - FOTOLAR
İsmayıllı Rayon İcra Hakimiyyətinin başçısı İqtisad elmləri doktoru, professor Mirdaməd Sadıqov Lahıc kəndində jurnalistlərin qarşısına keçərək onların suallarını cavablandırıb.
BiG.AZ xəbər verir ki, İcra Hakimiyyətinin başçısı ilk öncə gənclik illərindən söz açaraq böyüyüb boya-başa çatdığı Lahıc kəndinin keçmiş günlərinə diqqət yönəldib: "Hələ XIX əsrin birinci yarısında Rusiyanın İjevsk silah zavodunda Lahıc ustalarının təcrübəsindən istifadə olunmuşdur. O dövrdə Lahıcda 100-dən artıq sənət növü – misgərlik, dabbaqlıq, çəkməçilik, papaqçılıq, sərraclıq, dəmirçilik, xəttatlıq, qalayçılıq, dulusçuluq, dərzilik və s. peşələr inkişaf tapmışdı.
Mən özüm də İsmayıllı rayonunun Lahıc kəndində anadan olub, burada böyümüşəm. Yadımdadır ki, bu küçələrdən gənclər keçərkən böyüklərdən icazə alardılar. Ağsaqqala ağbirçəyə hörmət var idi. Hələ mənim atamın, babamın dövründə icra hakimi, naziri, polisi olmayıb. Kəndin hörmətli ağsaqqaları olub. Onlar sözünün kəsəri var idi. Dedikləri qanun olurdu".
Professor Mirdaməd Sadıqov digər rayonların başçılarına da bəzi sözlər ünvanladı: "Özüm Azərbaycan Dövlət Aqrar Universitetinin rektoru olmuşam. Gözləmədiyim vaxt məni İsmayıllı Rayon İcra Hakimi təyin etdilər. Bu vəzifədə özümü fərqli hesab etmədim. Yəni yenə də həmin insanam, sənətkar, fəhlə, digər peşə sahibləri kimi mən də işimi görürəm. Bazardan nə lazımdısa hamı kimi gedib özüm alıram. Qorumalarım yoxdur. Heç ehtiyac da olmur. İnsan sadə olmalıdı. Oturacaq insana vəzifəyə gətimir. Həyat tərzinə görə etdiyi işlərə görə hörmət qazanmaq lazımdır.
Qonşularım da görürlər odunu da özüm doğrayıram, təmir işləri olanda da bacardığım işdisə usta çağırmıram çalışıram özüm həll edim".
İcra başçısı rayonun bu günündən, gələcək potensialından və rayonla bağlı mətbautda yer alan bəzi məqamlardan da danışıb: "Qafqazda yeganə olaraq İsmayıllıda velosipet zavodu açılıb və iş gedir. Hətda Batumidən 10 min ədəd velosiped sifariş almışıq. Xalça fabriki kərpic zavodu, dam örtükləri zavodu var, maldarlıq kompleksi tikilib. Bunların hamısı əhalinin məşğuliyyəti üçündür. Biz yeganə rayonuq ki, dövlət büdcəsindən dotasiya almırıq özümüzü mailiyələşdiririk.
34 min hektar əkinə yararlı torpaqlarımız var. Azərbaycanda ən böyük meşə ehtiyatı da İsmayıllıdadır. Buda böyük gəlir mənbəyidir.
Çalışırıq ki, turizmi hər tərəfli genişləndirək. At truzimi hava şarı dağ turizmi üçün əlimizdən gələni edirik. Təbii ki bunların hamısı əhəlinin məşquliyyəti və istirahəti üçün nəzərdə tutulub.
Sevindirici haldı ki, nəinki turistlər yerli camaatında bu kənddə marağı artıb. Turlar, xüsusi günlər təşkil olur ki bu kəndin mədəniyyəti tarixi öyrənilir və səsi sorağı hər yerə yayılır.
İsmayıllı rayonu təbii ehtiyatları ilə zəngin rayondu. Düzgün istifadə edib inkişaf etdirmək lazımdır.
Bir dəfə xəbər çıxmışdı ki, İsmayıllı Rayon İcra Hakimi Mirdaməd Sadıqov Sallama körpüdən istifadəsinə adamdan 50 qəpik alır. Amma bu mənim işim deyil. Ona bələdiyyə baxır və o topladığı gəliridə yoluna baxımına ayırır. Biz bələdiyyənin bələdiyyədə bizim işimizə qarışa bilməz".
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş