Bakıda sürücüləri çaş-baş salan yol nişanları BUNLARDIR - Vaqif Əsədov açıqladı

Bakı Şəhər Baş Dövlət Yol Polis İdarəsinin İctimaiyyətlə əlaqələr şöbəsinin rəisi Vaqif Əsədov sürücülərin problem yaşadığı yol nişanlarından danışıb.

Sonxeber.az-a açıqlama verən V.Əsədov Bakıxanovla Ceyhun Hacıbəyli küçəsinin kəsişməsində və eləcə də digər 4 yolun kəsişən hissəsində sürücüləri çaşdıran yol nişanlarına aydınlıq gətirib:

"Həmin ərazidə baş yol işarəsi var. Orda əgər işıqfor işləyirsə o zaman nişanların təsiri itir. Yox əgər nişan işləmirsə baş yolda olan nəqliyyat vasitələri hərəkətini davam etdirir, əlavə yolda olanlar isə ona yol verir. Ona görə həmin ərazidə baş yol işarəsi qoyulub, bir tərəfdə də "yol ver" nişanı qoyulub. İşıqforla tənzimlənən yol birləşmələri, yol ayrıcı var. Bu yollar o zaman öz təsirini göstərir ki, işıqfor iş prinsipini itirir.

Əgər Bakıxanov və Ceyhun Hacıbəyli- hər 2 işıqforda da yaşıl işıq yanırsa, bu artıq texniki qüsur sayılır. Hər 2 avtomobil axını sola, Zoopark istiqamətində gedənlər isə sağ tərəfdən hərəkət edən yol hərəkəti iştirakçılarına yola verməlidir. Rusiya səfirliyindən Zooparka gedən həmin yolun kəsişməsindən sola dönəndə sağına maşın düşür. Qanunda yazılır ki, yolların kəsişməsində sağdan yaxınlaşmaqda olan nəqliyyat vasitəsini buraxmalısan".

Telegramda izləyin

instagramda izləyin