Yaxın dostu Tacir Fədayə Laçının həbs olunmasına belə reaksiya verdi

Uzun illər müğənni Fədayə Laçınla duet oxuyan Tacir Şahmalıoğlu həmkarının həbs olunması xəbərinə münasibət bildirib. O, Cebhe.info-ya açıqlamasında 15-20 il birgə çalışdığı həmkarının həbsxanadan qaçan avtoritetlərlə adının hallanmasına təəccübləndiyini gizlətməyib.

"Düzü, xəbər məni təəccübləndirdi. Fədayə ilə yollarımız çoxdan ayrılıb. 15-20 il bundan qabaq bir yerdə işləmişik. Sonralar mən onunla çox gec-gec görüşmüşəm. Xəbərim yoxdur ki o, hansı mövqedədir, nə edir?"

Bir müddət öncə mətbuata Fədayə Laçınla sevgili olduqlarını deyən T.Şahmalıoğlu həmkarına həbsxanaa baş çəkəcəyini də vurğulayıb: "Biz yüzlərlə-minlərlə məhbusları gedib yoxlayırıq. Fədayə Laçın da onlardan biri olsun. Nə fərqi var ki?!"

Qeyd edək ki, Məmmədova Fədayə Baris qızı (Fədayə Laçın) oktyabrın 23-də Bakı-Astara-Bakı qatarından qaçan məhbuslara yardım etməkdə təqsirləndirilir. F.Laçın həmin iş üzrə təqsirləndirilən şəxs qismində cəlb edilməkdə barəsində Nəsimi rayon Məhkəməsinin qərarı ilə həbs qətimkan tədbiri seçilib.

Cebhe.info xatırladır ki, oktyabrın 23-də Bakı- Astara - Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hazırda Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar. Qaçan məhbuslardan Əli Ağami bir neçə gün sonra Şirvan şəhərində tutulub. Etibar Ələkbər oğlu Məmmədovun axtarışı istiqamətində tədbirlər davam etdirilir.

Telegramda izləyin

instagramda izləyin