Hacıbaba Bağırovun rus oğlunun FOTOsu yayıldı - İLK DƏFƏ

Mərhum xalq artisti, tanınmış aktyor Hacıbaba Bağırovun Rusiyada yaşayan oğlunun fotosu yayılıb.

Fotonu Rus Dram teatrının aktyoru Elşad Süleyman feysbuk səhifəsində paylaşıb. Ata-oğul sanki bir almanın iki üzüdür.

Sonxeber.az bildirir ki, bu barədə Yenicag.az-a açıqlama verən E.Süleyman fotonu Smolensk şəhərində çəkdiyini bildirib:

"Mən orada bir ziyafətdə iştirak edirdim. Hacıbaba Bağırovun oğlunu da qonaqlara orda təqdim etdilər. Adı Aleksandrdır, onunla bağlı başqa məlumat bilmirəm".

Qeyd edək ki, Azərbaycanın məşhur gülüş ustası Hacıbaba Bağırov 5 dəfə rəsmi nikahda olub və bu nikahların 3-dən övladı dünyaya gəlib. Hacıbaba Bağırov ilk dəfə hərbi xidmətdə olarkən ailə həyatı qurub və Aleksandr adlı bir oğlu olub. Onu "Saşa" deyə çağırıblar. Sənət dostlarının dediyinə görə, o, atasının son günlərinə qədər ona baş çəkib, əlaqə saxlayıb.

Qeyd edək ki, xalq artistinin Aleksandrdan başqa Lalə və Şölə adlı iki qızı var.
Aleksandrın 64, Lalənin 55, Şölənin isə 15 yaşı var.

Telegramda izləyin

instagramda izləyin