AMEA-dan Yer kürəsinin qaranlığa qərq olunması ilə bağlı açıqlama

AMEA Nəsirəddin Tusi adına Şamaxı Astrofizika Rəsədxanası noyabrın 15-də Yupiter ilə Veneranın bir-birinə yaxınlaşması nəticəsində Yerin noyabrın iki həftəsinədək qaranlığa qərq olacağı ilə bağlı yayılan məlumatlara aydınlıq gətirib.

Rəsədxananın elmi işlər üzrə direktor müavini, fizika üzrə fəlsəfə doktoru Xıdır Mikayılov Sonxeber.az-a açıqlamasında bildirib ki, Venera ilə Yupiterin yaxınlaşması zahiri baş verə bilər.

"Bu planetlər açıq səmadan bir-birinə yaxın görünür. Onlar arasında yaxınlaşma dünən günorta radələrində baş verib. Həmin planetlər arasında görüntü bədrlənmiş ayın yarısı qədər yəni 15 dəqiqə olub".

Onun sözlərinə görə, Yer planetindən Veneraya qədər olan məsafə 247 mln km, Yupiterə qədər-950 mln km ətrafındadırsa, Venera ilə Yupiteri 700 mln km ayırır. Bu hadisə sadəcə zahiri yaxınlaşmadır. Yer Günəşin bir tərəfində, Venera ilə Yupiter isə digər tərəfindədir. Bu baxımdan həmin planetlərə üç yerdən baxanda onların bir düz xətt üzrə olduğu görünür.

Nəzərə alsaq ki, ayın bədrlənməsi 30 dəqiqə davam edir. Bu yaxınlaşma isə bədrlənmiş ayın yarısı qədərdir.

X. Mikayılov Yupiter və Veneranın yaxınlaşması nəticəsində dünyanın qaranlığa qərq olacağı ilə bağlı məlumatların həqiqətə uyğun olmadığını deyib:

"NASA kimi tibbi təşkilat bu cür yalan məlumat yaya bilməz. Əhalinin iki həftəlik qaranlığın baş verməsi ilə bağlı narahatlığına əsas yoxdur. Əhalinin bu cür xəbərlərdən vahiməyə düşməməsi üçün onların maarifləndirilməsi lazımdır".

X.Mikayılov bildirib ki, hər iki planet arasında zahiri yaxınlaşma bir-neçə saat davam edib. Uzaqdan hər iki planetin toqquşduğu görünsə də onların arasındakı real məsafə 700 mln km dir. Artıq hər iki planet arasında qismən uzaqlaşma başlayıb. Bu baxımdan sabah Venara ilə Yupiterin yaxınlaşması ilə bağlı məlumat heç bir həqiqəti əks etdirmir.

Xatırladaq ki, noyabrın 15-də Venera və Yupiter planetlərinin maksimal dərəcədə yaxınlaşacağı ilə bağlı məlumat yayılıb.

Bu haqda Amerika Milli Kosmik Agentliyinin (NASA) əməkdaşı Çarlz Boden bildirib. O qeyd edib ki, Yer kürəsinin sakinləri bu hadisəni müşahidə edə biləcəklər. Astronomlar bunu unikal mənzərə adlandırırlar.
NASA əməkdaşı söyləyib ki, Yupiter və Veneranın yaxınlaşması planetdə faciəli qaranlığa gətirib çıxaracaq. Bu hadisənin iki həftə davam edəcəyi bildirilir.

Aysel Kərimova
AMEA-dan Yer kürəsinin qaranlığa qərq olunması ilə bağlı açıqlamaAMEA-dan Yer kürəsinin qaranlığa qərq olunması ilə bağlı açıqlama

Sosial   Baxılıb: 3390   Tarix: 14 noyabr 2017  
Facebookda Paylaş




DİGƏR MARAQLI XƏBƏRLƏR



vipemlak.az