Yatanlar, xoruldayanlar, mürgü vuranlar - BBC-də belə işləyirlər - FOTO

Yatanlar, xoruldayanlar, mürgü vuranlar - BBC-də belə işləyirlər - FOTOBiz sutkada 24 saat çalışırıq ki, sizə operativ, dəqiq və qərəzsiz xəbərlər verək.
Britaniyanın BBC teleradiokorporasiyasının şüarı belədir.

Lakin BBC-nin Londondakı mərkəzi ofisində, "Broadcasting House"də işgüzarlıqla yanaşı, ətalət və tənbəllik ab-havası da var.

"BBC News Channel"in redaksiyasında iş vaxtı yatan, mürgü vuran, hətta xoruldayan əməkdaşların fotoları sosial şəbəkələrdə yayılandan sonra böyük qalmaqal qopub.

Fotoları BBC-nin əməkdaşı çəkib.

"Yanımda əyləşən iş yoldaşımın yatdığını görəndə təəccüləndim. Amma sonra bu durumu komik sanıb fotosunu çəkdim və sosial şəbəkədə paylaşdım. Lakin redaksiyanı gəzəndə anladım ki, iş vaxtı rahatlıqla yatanlar az deyil. Hətta bəziləri özləri ilə evdən yastıq və adyal da gətirirlər. Onlar yorğun deyillər. İşdə yatmağa alışıblar", - həmin şəxs yazıb.

Britaniyada vətəndaşlardan alınan xüsusi "televiziya vergisi" hesabına dövlət büdcəsindən maliyyələşən BBC-dəki bu durum sosial şəbəkə istifadəçilərini sinirləndirib.

BBC isə bu şəxslərin yorulduqlarını, elə iş yerlərində yorğunluqdan yatdıqlarını desə də, tarıma çəkilmiş əsəblər səngiməyib.

BBC-də orta aylıq əməkhaqqı ildə 40-75 min funt-sterlinqdir.

Frilanserlər isə 12 saatlıq işə görə 450 funt alırlar. Bundan başqa, gecə növbəsində çalışmağa görə əlavə olaraq 80 funt ödənir.

Britaniyalılar hesab edirlər ki, BBC özəl şirkət olsaydı, bu "yuxulu" adamların hamısı işdən qovulardılar.

milli.az

Dünyada   Baxılıb: 746   Tarix: 17 noyabr 2017  
Facebookda Paylaş




DİGƏR MARAQLI XƏBƏRLƏR