AST Telmandan gözlənilməz qərar

AST Telmandan gözlənilməz qərarAzərbaycanlı biznesmen Telman İsmayılovun Antalyadakı "Mardan Palace" oteli təmir edilir.

Sonxeber.az sfera.az-a istinadən xəbər verir ki, son 1 ildə oğurluq, su kəsilməsi və məhkəmə qərarı ilə bağlanılması kimi iddialarla gündəmə gələn "Mardan Palace"ın 10 milyon dollarlıq təmirdən sonra hind toyu ilə mövsümü açmağa hazırlaşdığı bildirilir. Hotelin icraçı direktoru Selçuk Şentepe mətbuata açıqlamasında hotelin 2018-ci ilin martında tam təmirli şəkildə təhvil veriləcəyini bildirib:

"Hazırda təmir işləri gedir. Qismət olsa, 2018-ci ilin martında daha dinamik şəkildə müştərilərimizə xidmət göstərməkdə davam edəcəyik".

İcraçı direktor hovuzun, otaqların, restoranların, xidmət sahələrinin və internet sisteminin yenidən qurulacağını deyib. O, hazırda otelin işıqları kəsilsə də, generatorlardan istifadə etdiklərini diqqətə çatdırıb. Otelin borc məsələsinə də münasibət bildirən Selçuk Şentepe bu barədə dəyərləndirmələr apardıqlarını söyləyib:

"Hazırda otelin borclarını yenidən gözdən keçiririk. 2018-ci il yay mövsümü ilə əlaqədar turizm şirkətləri ilə danışıqlar aparılır. Bu məsələdə problemimiz yoxdur. Hamısı bizim tərəf müqabillərimizdir. Yeni mövsümü hind toyu ilə açacağıq. Büdcəsi təxminən 10-15 milyon dollardır".

Qeyd edək ki, azərbaycanlı biznesmen Telman İsmayılov tərəfindən 1,4 milyard dollar sərmayə ilə tikilən otel 2010-cu ildə "Dünyanın ən lüks oteli" seçilimiş və maliyyə problemləri səbəbindən banklardan biri tərəfindən alınmışdı.

Sosial   Baxılıb: 4184   Tarix: 24 noyabr 2017  
Facebookda Paylaş




DİGƏR MARAQLI XƏBƏRLƏR