Prezidentin cümhuriyyət qərarı göstərdi ki... – Millət vəkili

Prezidentin cümhuriyyət qərarı göstərdi ki... – Millət vəkiliErmənistan və Gürcüstanla müqayisədə bu məsələnin həllinə xüsusi diqqətlə yanaşmalıyıq. Onların da yüzilliyidir və yubileyə ciddi şəkildə hazırlaşacaqlar. Cümhuriyyət məsələsində onlardan daha həssas olduğumuzu göstərməliyik.

Sonxeber.az bildirir ki, bu sözləri axar.az-a açıqlamasında millət vəkili Fazil Mustafa Prezident İlham Əliyevin 2018-ci ili ölkəmizdə "Azərbaycan Xalq Cümhuriyyəti İli" elan etməsi ilə bağlı danışarkən söyləyib. O bildirib ki, prezidentin bu qərarı ölkənin müstəqilliyinə verdiyi dəyərin göstəricisidir:

"Bir neçə həftə bundan əvvəl məsələ ilə bağlı qeyd etmişdik ki, 2018-ci il "Cümhuriyyət İli" elan olunmalıdır. Prezident İlham Əliyevin bu qərarı bizim arzularımıza uyğun qərar oldu. Ölkə prezidentinin bu addımını çox yüksək qiymətləndiririk. Bu, cümhuriyyətə verilən dəyərdir. Düşünürəm ki, mətbuat bu məsələni qırmızı hərflə yuxarı köşədə yerləşdirməlidir ki, bəzi məmurlar görsün. Bütün bunlar cümhuriyyətə olan laqeydliyin, etinasızlığın ortadan qalxması baxımından vacibdir. Görsünlər ki, ölkə prezidenti cümhuriyyət ilinə necə dəyər verir. Bu qərardan dolayı prezidentə təşəkkür edirəm!

Cümhuriyyətimizin yubileyini yüksək səviyyədə qeyd etmək üçün bu sahədə müəyyən addımlar atmaq lazımdır. Bu yaxınlarda M.Ə Rəsulzadənin ata evinin uşaq bağçası olması məsələsini qaldırmışam. Həmin evi muzeyə çevirmək lazımdır. Səlahiyyətli şəxslər prezidentin bu qərarına uyğun ciddi işlər görməlidirlər".

Qeyd edək ki, Prezident İlham Əliyev 2018-ci ili ölkəmizdə "Azərbaycan Xalq Cümhuriyyəti İli" elan edib. İlham Əliyev il ərzində bununla əlaqədar həm ölkəmizdə, həm də xaricdə bir çox tədbirlərin keçiriləcəyini qeyd edib.

Siyasət   Baxılıb: 665   Tarix: 10 yanvar 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR