"Səsləndirilən iddialar həqiqəti əks etdirmir" - "Azərişıq" rəsmisi ilə - MÜSAHİBƏ

"Səsləndirilən iddialar həqiqəti əks etdirmir" - "Azərişıq" rəsmisi ilə - MÜSAHİBƏ"Azərişıq" ASC-nin mətbuat xidmətinin rəhbəri Tanrıverdi Mustafayevin Sonxeber.az-a müsahibəsi:

Tanrıverdi müəllim sosial şəbəkələrdə elektrik enerji borcunun sayğacda göstərildiyi rəqəmdən çox olması haqda məlumatların yayılması həqiqətə uyğundurmu?

Bu cür problemlərin olması yolverilməz və inandırıcı deyil. Bu sadecə sayğacın problemi ola bilər. Əgər kimdə belə bir fakt aşkar edilibsə, fərdi qaydada bizə müraciət etsin. Biz həmin müraciət əsasında məsələni ünvana gedərək araşdıracağıq. Yəni vətəndaşın gəlməsinə ehtiyac yoxdur. Sadəcə abonent bizə müraciət etsə, kifayətdir. Biz özümüz ünvana gələrək, kimin nə narahatlığı varsa, sayğacın göstəricisinə əsasən məsələni yerində araşdıracağıq. Vətəndaşlardan xahiş edirik ki, bu məsələdə diqqətli olsunlar.

Bəzi hallarda sayğacda işıq pulu borclarının artıq göstərilməsi Mənzil Kommunal İdarələrinin daxili problemlərindən irəli gəlir. Verilən bildirişdə müəyyən problem ola bilər. Abonentlərin elektrik enerjisinə görə borclarının artıq hesablanması ilə bağlı səsləndirilən iddialar həqiqəti əks etdirmir. Lakin, Azərişıq "ASC" tərəfindən MTK –lar inşa olunmuş və qeydiyyata düşməyən evləri satarkən bu problemlər üzə çıxır. Biz isə məcbur olub sakinlərin qaranlıqda qalmaması üçün MTK-nın müraciəti əsasında həmin məznillərə sayğac quraşdırırıq. Bu cür problemi olan abonent fərdi qaydada Azərişq "ASC"-yə müraciət edə bilər. Ay ərzində istifadə olunmuş elektrik enerjisi labarotoriyalrımızda yoxlanılır. "Azərişıq ASC"-də sayğaclar məsafədən idarə olunduğuna görə, problemli avadanlıqların olması mümkünsüzdür.
Sayğaclar dəyişdirilib quraşdırılarkən onların dövlət standartlarına uyğunluğu laborotoriyalarda yoxlanılır. Sonda isə Azərişıq "ASC"- nın möhürü vurularaq quraşıdrılır. 3 – 5 il istifadə olunmuş sayğaclarda qüsur olarsa yenidən qanuni qaydada aktlaşdırılır. Sayğacın qapağında və daxilində qüsuru varsa, yaxud müdaxilə olunubsa qanuni qaydada yenidən aktlaşdırılır.

Bakıətrafı ərazilərin sakinləri tez-tez işıqların sönməsindən şikayətlənirlər Bu nə ilə əlaqədardır?

Bəzən müəyyən ərazilərdə tikinti yaxud qazıntı işləri aparan qurumlara həmin yerdən elektrik xətti keçməsi ilə bağlı xəbərdarlıq edilsə də buna məhəl qoyulmur. Bunun nəticəsində il ərzində vaxtaşırı olaraq bəzi ərazilərdə sakinlərin elektrik enerji təminatında problemlər yaranır. Bəzən də yol infrastrukturunu bərpa etmək üçün aidiyyatı qurumların əməkdaşlarının apardığı qazıntılar nəticəsində bu hallar ortaya çıxır. Digər strukturlar bərpa işləri aparan zaman diqqətli olmalıdırlar. Çünki, bəzi hallarda həmin ərazidən "Azərişıq ASC"-nin elektrik naqilləri keçir. Ehtiyatsızlıq nəticəsində isə sakinlər işıqsız qalır.

Tikinti prosesi zamanı Azərişıq "ASC"ya dəymiş ziyan hansı qurum tərəfindən ödənilir?

Azərişıq "ASC"də yaradılmış nəzarət komissiyası tərəfindən araşdırılma aparılır. Dövlət strukturları Azərsu ASC, Azəravtoyol ASC tikinti bərpa işləri aparan zaman əvvəlcədən Azərişıq ASC yə məktub göndərərək məlumat verir. Məktub əsasında biz onlara hansı ərazilərdən elektrik xəttlərimizin keçdiyini bildiririk. Ola bilər bu sadecə yeri qazan traktorçunun işidir. Elektrik enerjisindən istifadə qaydalarında bu cür problemlərin hamısı öz əksini tapır.

Azərbaycan bir neçə il sonra dizel və benzindən imtina edərsə "Azərişıq ASC" nın bütün avtomobilləri elektrik enerjisi ilə təmin edə bilərmi?

Bu gün Azərbaycan artıq ölkə xaricinə ixrac edir. Bu gün Azərbaycanda vətəndaşların elektrik enerjisi ilə təmin olunması yüksək səviyyədə həyata keçirilir. Gələcəkdə Azərbaycan dizel və benzindən imtina edərsə "Azərişıq ASC" nın bütün avtomobilləri elektrik enerjisi ilə təmin etmək imkanı var. Hələlik bu məsələ gündəmdə deyil.

Aysel Kərimova
"Səsləndirilən iddialar həqiqəti əks etdirmir" - "Azərişıq" rəsmisi ilə - MÜSAHİBƏ

Sosial   Baxılıb: 2834   Tarix: 12 yanvar 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR