Ermənistanda böyük müharibəyə hazırlaşırlar

Erməni generallar İrəvanda gizli yığıncaq keçiriblər

İrəvanda hakim Respublika Partiyasının yuxarı elitası aprelə nəzərdə tutulmuş prezident və baş nazir seçkiləri barədə çox həddindən yüksək təlaş içindədirlər.

Öncə prezident seçkilərinin, daha sonra isə baş nazir seçkilərinin keçirilməsi prezidentliyə bir daha şansı olmayan Serj Sarkisyanın vəziyyətini qeyri-müəyyən edir.

Əslində, parlament tərəfindən aprelin 9-a kimi seçiləcək yeni prezident müəyyən qədər səlahiyyətləri alınsa da, formal olaraq dövlətin başçısı sayılacaq və aprelin 9-dan 16-a kimi keçiriləcək baş nazir seçkilərinə təsir etmək imkanı qazanacaq. "Buna görə, ilk baxışdan sadə görünən bu prosesdə maraqlı intiriqalar gizlənib və bu, gözlənilməz gərginliyə gətirə bilər",- deyə "Haykakan jamanak" qəzeti yazır.

Yeni seçilmiş prezident artıq kürsüdə möhkəmləndikdən sonra müəyyən rıçaqlar vasitəsi ilə Serj Sarkisyanın baş nazir seçilməsinə mane ola bilər. Buna imkn yetərincədir, çünki hətta hakim partiyanın içində baş nazir kimi Serj Sarkisyanı yox, indiki baş nazir Karen Karapetyanı görmək istəyənlər yetərincədir. Yeni prezident mövcud parlamenti buraxmaqla Respublika Partiyasını hakimiyyətdən də sala bilər. Məsələ, bundadır ki, 7 gün ərzində parlament baş naziri seçə bilməzsə, parlment buraxılmalıdır və yenisi seçilməlidir. Bu isə rahatlıqla hakimiyyət dəyişikliyi deməkdir.

David Tonoyan və Süyran Ohanyan
David Tonoyan və Süyran Ohanyan
Bu səbəbdən Ermənistanın bir çox qüvvələri həm prezident seçkilərində, həm də parlament seçkilərində öz namizədlərinin keçirilməsi üçün ciddi hazırlaşırlar. Erməni KİV-ləri Serj Sarkisyanın özünün yenidən baş nazir kimi hakmiyyətə qaytması üçün prezidentliyi əvvəl hakimiyyətdə olmuşlardan birinə etibar edəcəyini güman edirlər. Buna səbəb erməni prezidentin "Armeniya" telekanalına müsahibə zamanı Ermənistana xidmət etmiş insanlara hörmətlə yanaşdığını deməsidir. Məsələn, erməni şərhçi Akop Badalyan "Lragir"də yazdığı şərhdə Serj Sarkisyanın prezidentlik kürsüsünü Robert Koçaryan, Ovik Abramyan, Qaqik Xaçatryan, Qaqik Beqlaryan, Seyran Ohanyan, hətta Artur Baqdasaryan və Tiqran Torosyan kimi yaxın olduğu şəxslərdən birinə həvalə edəcəyini düşünür.

Yeri gəlmişkən, aprel döyüşlərindən sonra işdən çıxarılmış, elə bundan sonra da qaçıb Moskvada sığınacaq tapmış keçmiş müdafiə naziri Seyran Ohanyan da artıq İrəvana qayıdıb və generalları ətrafına yığaraq siyasətə ciddi müdaxilə etməyə çalışır. "Haykakan jamanak"ın yazdığına görə, bu günlərdə Seyran Ohanyan keçmiş müavini, hazırda Ermənistan fövqəladə hallar naziri vəzifəsini tutan David Tonoyanla birlikdə İrəvan restoranlarının birində görüşüb və gələn hökumətdə müdafiə naziri postunu mütləq hərbçinin, yəni David Tonoyanın tutmasını vacib sayıb. O, indiki nazir Viqen Sarkisyanın hərbi xidmətdə olmamasından narazı olduğunu bildirib.

Ola bilər ki, Qarabağ klanı yenə "ənənəsinə" sadiq qalacaq və Xocalı qatillərindən birini Ermənistan prezidenti edəcək. Bu, Ermənistanın şefi Rusiyanı da razı salan mənamdır, hər halda soyqırımda günahlandıralan cinayətkarı marionet kuklası kimi idarə etmək asandır.

1 mart 2008-ci il - İrəvanda Serj Sarkisyanın hakimiyyətə gəlməsinə etiraz edən nümayişmilərə divan tutulur
1 mart 2008-ci il - İrəvanda Serj Sarkisyanın hakimiyyətə gəlməsinə etiraz edən nümayişmilərə divan tutulur
Lakin erməni xalqı buna hazırdırmı? Son 20 ilin praktikası göstərir ki, Ermənistan erməniləri bununla razılaşmaq istəmirlər və Qarabağ klanının təmsilçilərinin hakimiyyəti bir-birinə ötürməsinə etiraz edirlər. Hər dəfə də bu etiraz qanla bitir. 1998-ci ildə hərbi çevrilişlə hakimiyyətə gəlmiş Robert Koçaryan yerini möhkəmlətmək üçün parlamentdə qırğın törətdi və yerli ermənilərin nümayəndələri baş nazir Viqen Sarkisyan və spiker Karen Demirçyan qətlə yetirildi. Serj Sarkisyan isə hakimiyyətə gələndə etiraz edən xalqı güllə-borana tutdurdu və 8 nəfər etirazçı öldürüldü. Seyran Ohanyanın və ya başqa klan təmsilçisinin hakimiyyəti götürməsi üçün nə qədər insan qıracağı hələ bəlli deyil.

Mənbə: istipress

Telegramda izləyin

instagramda izləyin