Cəbhədə erməni hərbçi yaralanıb - Günahı Azərbaycan tərəfinin üzərinə atırlar

Cəbhədə erməni hərbçi yaralanıb - Günahı Azərbaycan tərəfinin üzərinə atırlarSonxeber.az milli.az-a istinadən xəbər verir ki, dünən saat 16:00 radələrində Tavuş vilayətinin Noyemberyan tibb mərkəzindən polis idarəsinə ayağından odlu silah yarası almış erməni hərbi qulluqçusunun daxil olması barədə məlumat verilib.

Erməni tərəfinin iddialarına görə, Lori vilayət sakini 30 yaşlı Adibek Mikoyan həmin gün saat 13:00 radələrində Koti-Barekamavan yaşayış məntəqəsindəki döyüş mövqelərindən birində olarkən Azərbaycan tərəfdən açılan atəş nəticəsinə yaralanıb.

Baş vermiş hadisə ilə əlaqədar cinayət işi qaldırılıb, araşdırma aparılır.

Məsələ ilə Azərbaycan Müdafiə Nazirliyindən sorğuya cavab olaraq bildiriblər ki, Azərbaycan tərəfindən açılan atəş nəticəsində dövlət sərhədində erməni hərbçisinin yaralanması barədə Ermənistan mətbuatının yaydığı məlumat tam yanlışdır: "Azərbaycan Ordusunun bölmələri atəşkəs rejiminə tam riayət edir. Ermənistan ordusunda hökm sürən özbaşınalıq və nizam-intizamsızlıq nəticəsində baş vermiş bu hadisə erməni ictimaiyyətindən gizlədilməsi məqsədilə məhz bu formada təqdim edilir.

Bu, ilk hadisə deyil ki, Ermənistanın hərbi rəhbərliyi ordularındakı qeyri-döyüş itkilərini Azərbaycan tərəfinin üzərinə atmağa cəhd göstərir. Lakin obyektiv ballistik araşdırma aparılarsa, güllənin hansı erməni əsgərinin silahından açıldığı erməni ictimaiyyətinə tam aydın olar".

Müharibə   Baxılıb: 639   Tarix: 18 yanvar 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR