Qeyri-adi üslub: Rəsm əsəri deyil, geyimdir - VİDEO

Qeyri-adi üslub: Rəsm əsəri deyil, geyimdir - VİDEOAzərbaycanlı gənc rəssam-modelyer qeyri-adi üslubda geyim hazırlayıb. Üzərində milli atributlarımızın da yer aldığı geyim öz unikallığı ilə seçilir. Belə ki, geyimi kətan parça üzərinə yağlı boya ilə çəkilmiş xüsusi rəsmlər bəzəyir. Müəllifin iddialarına görə bu dünyada bir ilkdir.

Rəssam-modelyer Lalə Quliyevanın ərsəyə gətirdiyi bu libasın üzərindəki rəsm əsərləri yağlı boya ilə, kətan parçanın üzərinə çəkilib. Adi parçada bu rəsimləri çəkib geyim hazırlamaq asan olsa da, kətan üzərində bunu etmək çətin proses hesab edilir. Müəllifin sözlərinə görə, məhz bu orijinallığına görə, hazırladığı libas dünyada bir ilkdir.

Lalə Quliyeva hazırladığı bir neçə belə xüsusi seçilən işə görə mükafatlar da alıb. Lakin son hazırladığı geyim görənləri daha çox təəccübləndirib.

Qeyri adiliyi ilə seçilən geyimə böyük maraq olsa da,müəllif hazırda onu satmağı düşünmür.

Lalə Quliyeva fərqli üslubda hazırlanan geyimə bir ay vaxt sərf edib.

/xezerxeber.az

Maraqlı   Baxılıb: 401   Tarix: 12 fevral 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR